جلالپور پیروالہ (20 ستمبر 2025): موٹر وے ایم 5 کا ایک اور حصہ سیلابی پانی میں بہنے کی تصاویر اور ویڈیو سامنے آ گئی ہیں۔
چیف پولیس آفیسر ملتان کے مطابق موٹر وے ایم فائیو کا مشرقی حصہ بھی شگاف پڑنے سے سیلاب میں بہہ گیا ہے، اس سے قبل ایم فائیو کا مغربی حصہ سیلاب میں بہہ گیا تھا۔
موٹر وے پولیس اور این ایچ اے کا عملہ مشینری کے ساتھ موقع پر موجود ہے، دریائے ستلج کا پانی شدید بہاؤ کے ساتھ دریائے چناب کی جانب بہہ رہا ہے، اور پانی کا بہاؤ کم کرنے کے لیے شگاف میں پتھر ڈالے جا رہے ہیں، موٹروے انتظامیہ کا کہنا ہے کہ موٹروے ملتان سے جھانگڑہ تک تاحال بند ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں