اسلام آباد: وزیراعظم عمران خان، وزیر داخلہ شیخ رشید، وزیر اطلاعات شبلی فراز سمیت سیاسی ومذہبی شخصیات نے مچھ میں دہشت گردوں کے بزدلانہ وار کی شدید الفاظ میں مذمت کی ہے۔
تفصیلات کے مطابق وزیراعظم عمران خان مچھ بلوچستان میں گیارہ کان کنوں کےبہیمانہ قتل کی مذمت کی ہے، سماجی رابطے کی ویب سائٹ ٹوئٹر پر جاری اپنے تعزیتی بیان میں وزیراعظم نے کہا کہ مچھ میں کان کنوں پر حملہ بزدلانہ اور غیر انسانی ہے، ایف سی قاتلوں کو انصاف کےکٹہرے میں لانےکیلئے تمام وسائل استعمال کرے، جاں بحق کان کنوں کے لواحقین کو حکومت کسی صورت تنہا نہیں چھوڑے گی۔
The condemnable killing of 11 innocent coal miners in Machh Balochistan is yet another cowardly inhumane act of terrorism. Have asked the FC to use all resources to apprehend these killers & bring them to justice. The families of the victims will not be left abandoned by the govt
— Imran Khan (@ImranKhanPTI) January 3, 2021
وزیر داخلہ شیخ رشید کی جانب سے مچھ میں کان کنوں پر حملےکی شدید مذمت کی گئی ہے، اپنے بیان میں وفاقی وزیر داخلہ نے کہا کہ افسوسناک واقعےکی جنتی بھی مذمت کی جائےکم ہے، واقعے میں ملوث عناصر کسی بھی رعایت کے مستحق نہیں، اللہ شہید کے درجات بلند ، زخمیوں کو جلد صحت یاب کرے آمین۔
وزیر داخلہ شیخ رشید نے آئی جی بلوچستان سے رپورٹ طلب کرتے ہوئے کہا کہ ایسے واقعات بہادر قوم کے عزم کو متزلزل نہیں کرسکتے۔
مچھ کے علاقے گشتری میں کارکنوں پر حملے کی شدید مذمت.
وزیر داخلہ نے آئی جی بلوچستان سے رپورٹ طلب کرلی۔
دہشتگر اپنے مذموم مقاصد میں کامیاب نہیں ہونگے ،افسوس ناک واقعہ کی جنتی بھی مذمت کی جائے کم ہے۔
واقعہ میں ملوث عناصر کسی بھی رعایت کے مستحق نہیں ۔1/2— Sheikh Rashid Ahmed (@ShkhRasheed) January 3, 2021
وزیر اطلاعات شبلی فراز نے بھی مچھ واقعے کو انتہائی قابل مذمت اور افسوسناک واقعہ قرار دیتے ہوئے کہا کہ دشمن پاکستان کو عدم استحکام سے دوچار کرنےکے درپے ہے، عوام سے مسترد عناصرملک میں افراتفری اور انتشار پھیلا رہے ہیں، یہ مسترد عناصر شعوری یا لاشعوری دشمن کےآلہ کار بن رہے ہیں، مگر ملک دشمن عناصر یاد رکھیں کہ انہیں اپنے مذموم عزائم میں ناکامی ہوگی۔
افسوسناک امر یہ بھی ہے کہ ایسے حالات میں دوسری جانب عوام کے مسترد کردہ سیاسی عناصر شعوری یا غیر شعوری طور پر ان بیرونی حملہ آوروں کا آلہ کار بن کر ملک کے اندر افراتفری اورانتشار پھیلا رہے ہیں۔ ملک دشمنوں کو ان کے مذموم عزائم میں ناکامی ہوگی۔ انشاء اللہ2/2
— Senator Shibli Faraz (@shiblifaraz) January 3, 2021
چیئرمین پاکستان پیپلز پارٹی بلاول بھٹو نے بھی بلوچستان کے ضلع بولان میں دہشتگردی کے واقعے کی شدید الفاظ میں مذمت کرتے ہوئے کہا کہ غریب گیارہ کان کنوں کا قتل دہشتگردی کی سنگین نوعیت ہے، ہر پاکستانی دہشت گردی کی مذمت کرے۔
Chairman PPP @BBhuttoZardari strongly condemns the brutal massacre of eleven coal-miners in Bolan and terms the killing of innocent labourers as worst form of terrorismhttps://t.co/yVfNIiG8eS
— PPP (@MediaCellPPP) January 3, 2021
بلاول بھٹو نے اپنی تعزیتی بیان میں حکومت سے مطالبہ کیا کہ حکومت متاثرہ خاندانوں کو معاوضہ فراہم کرے اور کان کنی سیکٹر کے مزدوروں کی حفاظت کے اقدامات کرے اور اس بات کو یقینی بنایا جائے کہ آئندہ ایسے واقعات پیش نہ ہوں۔
ایم کیوایم کنوینر خالدمقبول صدیقی نے بھی مچھ میں مزدوروں کے قتل کی مذمت کرتے ہوئے کہا کہ دہشتگردوں نےانتہائی سفاکی سےمزدوروں کو نشانہ بنایا، وفاقی وصوبائی حکومت دہشتگردوں کےخلاف ٹھوس اقدامات اٹھائے اور مزدوروں کے اہلخانہ کی داد رسی کےلئےمالی امدادکااعلان کیاجائے۔
واضح رہے کہ آج مچھ میں گیشتری کے مقام پر ملک دشمن عناصر نے بزدلانہ وار کرتے ہوئے کان کنوں کو جاں بحق کیا تھا، جاں بحق کان کنوں کا تعلق کوئٹہ سے تھا۔
