The news is by your side.

Advertisement

زبردست کارنامہ، ” میڈ ان پاکستان” وینٹی لیٹرز کل این ڈی ایم اے کے حوالے کیے جائیں گے

اسلام آباد : پاکستان میں تیار کیےگئے پورٹ ایبل وینٹی لیٹرز کل این ڈی ایم اے کےحوالے کیےجائیں گے، حکام کا کہنا ہے کہ ضرورت پڑنے پر ایک مہینے میں 300وینٹی لیٹربنا سکتے ہیں۔

، تفصیلات کے مطابق پاکستان میں جدید طرز کے مقامی وینٹی لیٹرز کی تیاری میں وزارت سائنس اینڈ ٹیکنالوجی اور این آر ٹی سی نے زبردست کارنامہ انجام دیا، پہلی بار ” میڈ ان پاکستان” وینٹی لیٹرز  کی پہلی کھیپ تیار کر لی گئی، ماہرین کی جانب سے وینٹی لیٹر کی تیاری کا کام دن رات جاری ہے۔

تیار کیےگئے پورٹ ایبل وینٹی لیٹرز کل این ڈی ایم اے کےحوالے کیےجائیں گے، وینٹی لیٹرز کی تیاری سے متعلق این آر ٹی سی حکام نے بریفنگ میں کہا کہ جنوری میں وزارت دفاعی پیداوار نے وینٹی لیٹرزکی تیاری کاٹاسک دیا، ترک کمپنی کے ڈیزائن پر وینٹی لیٹرز تیار کررہے ہیں۔

بریفنگ میں کہا گیا اب تک 12 وینٹی لیٹرز تیار کیے جاچکے ہیں ، ایک ہفتے میں 75سے 180وینٹی لیٹرز تیار کرسکتے ہیں، ضرورت پڑنے پر ایک مہینے میں 300وینٹی لیٹربنا سکتے ہیں۔

این آر ٹی سی حکام کا کہنا تھا کہ پاکستان میں وینٹی لیٹرز کی تیاری عالمی معیار کے مطابق ہے، انجینئرنگ کونسل نے وینٹی لیٹر کوعالمی معیار کےمطابق قراردیاہے۔

Comments

یہ بھی پڑھیں