The news is by your side.

Advertisement

امریکا کی پہلی خاتون وزیر خارجہ میڈلین البرائٹ انتقال کرگئی

واشنگٹن : امریکی کی پہلی خاتون وزیر خارجہ کینسر سے طویل جنگ کے بعد 84 برس کی عمر میں جہان فانی سے کوچ کرگئی۔

غیر ملکی میڈیا کے مطابق تاحیات ڈیموکریٹ میڈلین البرائٹ کو امریکا کی پہلی وزیر خارجہ ہونے کا اعزاز حاصل ہے جنہیں 1996 میں صدر بل کلنٹن نے اپنی انتظامیہ نے وزیر خارجہ کےلیے منتخب کیا تھا۔

Bill Clinton, Madeleine Albright - Bill Clinton and Madeleine Albright  Photos - Zimbio

اس سے قبل وہ اقوام متحدہ میں دوسری خاتون سفیر کی حیثیت سے امریکا کی نمائندگی بھی کرچکی ہیں۔

میڈیا رپورٹس میں کہا گیا ہے کہ میڈلین البرائٹ نازی اور پھر سوویت کے زیر تسلط مشرقی یورپ ( چیک سلواکیہ) سے تعلق رکھنے والی ایک پناہ گزین بچی کی حیثیت سے امریکہ پہنچی تھیں اور ان کو وہ اعزاز حاصل ہوئے جو بہت کم لوگوں کو نصیب ہوتے ہیں۔

البرائٹ نے نیٹو کی توسیع اور کیمیائی ہتھیاروں پر بین الاقوامی پابندیاں عائد کرنے والے معاہدے کی سینیٹ کی حمایت حاصل کرنے میں مدد کی۔

اس کے علاوہ مسئلہ فلسطین سمیت متعدد عالمی معاملات میں میڈلین البرائٹ نے اپنی بہترین پالیسیوں کے ذریعے عالمی امن کو برقرار رکھنے کی کوشش کی۔

صدر جو بائیڈن نے ان کی وفات کے افسوس کے لیے وائٹ ہاؤس اور دیگر وفاقی عمارتوں اور گراؤنڈز پر امریکی جھنڈا 27 مارچ تک سرنگوں کرنے کا حکم دیا ہے۔

Comments

یہ بھی پڑھیں