The news is by your side.

Advertisement

مادھوری کس بھارتی کرکٹر کی دیوانی تھیں؟

ممبئی: بالی ووڈ اداکارہ اور رقاصہ مادھوری ڈکشت نے کہا ہے کہ وہ اپنی جوانی میں ایک بھارتی کرکٹر کو دیوانگی کی حد تک پسند کرتی تھیں اور وہ ان کے خوابوں میں بھی آتے تھے۔

بھارتی میڈیا کو انٹرویو دیتے ہوئے مادھوری نے انکشاف کیا کہ جب میری عمر 25 برس تھی تو میں اپنی عمر سے 18 سال بڑے کرکٹر کی اس قدر دیوانی تھی کہ وہ میرے خواب میں بھی آتے تھے۔

اینکر نے جب مادھوری سے کرکٹر کا نام جاننے کی کوشش کی تو اداکارہ نے اشارہ دیتے ہوئے کہا کہ ’’وہ اب کرکٹ کی دنیا کو خیرباد کہہ چکے ہیں‘‘۔ بھارتی ڈانسر نے بے حد اصرار کے بعد نام معروف بھارتی کرکٹر سنیل گواسکر کا نام لیا۔

بھارتی اداکارہ نے کہا کہ سنیل کو جب کھیلتے ہوئے دیکھتی تھی تو وہ بہت اچھے لگتے تھے، میری چاہت کی دیوانگی کا یہ عالم تھا کہ سنیل گواسکر میرے خوابوں میں بھی آتے تھے۔

مادھوری نے کہا کہ جس وقت میری عمر 25 اور سنیل کی عمر 43 برس تھی میں اُن کے پیچھے پاگل تھی کیونکہ اُن کی شخصیت بے حد پرکشش تھی اور میں اُن کے لیے سب کچھ کرنے کو تیار تھی کیونکہ وہ مجھے بہت پسند تھے۔

یاد رہے بھارتی کرکٹرز اور شوبز ستاروں کے درمیان دوستیوں کے چرچے عام ہیں، بھارتی کرکٹ ٹیم کے کپتان ویرات کوہلی اور انوشکا شرما کی دوستی بھی کسی سے ڈھکی چھپی نہیں ہے۔

Print Friendly, PDF & Email

Comments

comments

یہ بھی پڑھیں