اسٹیج اداکارہ مدیحہ شاہ کے گھر چھاپہ،آٹھ دن بعد 22 سالہ نوجوان برآمد - مدیحہ نشہ بھی کراتی ہے
The news is by your side.

Advertisement

اسٹیج اداکارہ مدیحہ شاہ کے گھر چھاپہ،آٹھ دن بعد 22 سالہ نوجوان برآمد

لاہور :8روز سے لاپتہ نوجوان پولیس نے اسٹیج اداکارہ مدیحہ شاہ کے گھر سے برآمد کرلیا، احمد کا کہنا ہے کہ نوکری کیلئے مدیحہ شاہ کے گھر گیا تھا، نوجوان کے اہل خانہ نے الزام عائد کیا ہے کہ مدیحہ نشہ بھی کراتی ہے۔

تفصیلات کے مطابق لاہور کے علاقے مکہ کالونی سے8 روز قبل 22 سالہ نوجوان احمد لاپتہ ہوگیا تھا، جس کی تلاش کیلئے اہلخانہ نے تھانہ فیکٹری ایریا میں رپورٹ بھی درج کرادی تھی۔

پولیس نے آٹھ روز بعد احمد کے دوستوں کی نشاندہی پر اسٹیج اداکارہ مدیحہ شاہ کے گھر چھاپہ مارا، اس موقع پر مدیحہ شاہ نے مزاحمت کی اور گھر کی تلاشی دینے انکار کیا، تاہم بعد ازاں وہاں سے نوجوان کو برآمد کرلیا گیا۔

اس حوالے سے 22سالہ نوجوان احمد کے اہل خانہ نے الزام عائد کیا کہ مدیحہ شاہ میرے بیٹے کو نشے کرواتی تھی اس لئے ہم مدیحہ شاہ کے خلاف قانونی کارروائی کریں گے۔

دوسری جانب احمد نے الزامات کی تردید کرتے ہوئے پولیس کو بیان دیا ہے کہ گھر والوں سے ناراض ہوکر نوکری کیلئے مدیحہ شاہ کے گھر گیا تھا۔

مدیحہ شاہ نے بھی پولیس کو دیئے گئے بیان میں یہ مؤقف اختیار کیا ہے کہ احمد کے اہل خانہ کے الزامات سراسر جھوٹ ہیں، احمد پہلے میرے پاس ڈرائیور تھا،اب بھی نوکری کیلئے ہی آیا تھا۔

Comments

comments

یہ بھی پڑھیں