معروف امریکی پاپ گلوکارہ میڈونا نے اپنی زندگی پر بننے والی فلم خود ہی لکھنے اور خود ہی اس کی ہدایات دینے کا اعلان کیا ہے۔
بین الاقوامی میڈیا رپورٹ کے مطابق یونیورسل پکچرز نے میڈونا کی زندگی پر مبنی فلم بنانے کا اعلان کیا ہے، تاحال فلم کو کوئی نام نہیں دیا گیا۔
اس حوالے سے میڈونا کا کہنا ہے کہ وہ اپنی زندگی پر مبنی فلم خود ہی لکھیں گی اور خود ہی اس کی ہدایت بھی دیں گی۔
Universal Pictures Announces Film Based On The Untold True Story Of Madonna, Written And Directed By The Artist Herself: https://t.co/rElmIq4BrN pic.twitter.com/ABa4IyZrQQ
— Madonna (@Madonna) September 15, 2020
میڈونا کا کہنا تھا کہ وہ زندگی میں بطور ایک گلوکارہ، موسیقار اور رقاصہ اس دنیا میں آگے بڑھنے کے سفر کو خود لوگوں تک پہنچانا چاہتی ہیں، بہت ساری ان سنی اور متاثر کن کہانیاں موجود ہیں لیکن میری کہانی کو مجھ سے بہتر انداز میں کون بیان کرسکتا ہے۔
یونیورسل پکچرز کے مطابق اس فلم میں میڈونا معاون مصنفہ ہوں گی جبکہ ان کے ساتھ دوسری مصنفہ ڈیابو کوڈی ہوں گی۔ فلم کو ایمی پاسکل پروڈیوس کریں گے جنہوں نے سنہ 1992 میں میڈونا کی فلم اے لیگ آف دیئر اون بھی پروڈیوس کی تھی۔