The news is by your side.

Advertisement

مدرسے کے طالب علم سے زیادتی کے مقدمے میں بڑی پیش رفت

لاہور : مدرسہ زیادتی کیس میں متاثرہ طالب علم نے پیش ہوکر ملزم عزیز الرحمان کے خلاف بیان ریکارڈ کرادیا۔

تفصیلات کے مطابق مدرسے کے طالب علم سے زیادتی کے مقدمے میں بڑی پیش رفت سامنے آئی، متاثرہ طالب علم نے پیش ہوکر ملزم عزیز الرحمان کے خلاف بیان ریکارڈ کرادیا۔

متاثرہ طالب علم نے جوڈیشل مجسٹریٹ کے روبرو پیش ہوکر بیان کرایا، متاثرہ طالب علم نے ملزم کے گواہی میں بڑے انکشافات کردیے۔

بیان میں کہا گیا کہ 2013 میں متعلقہ ادارے میں تعلیم حاصل کرنے کے لیے داخلہ لیا ملزم نے امتحانات پر عائد پابندی ختم کرنے اور پاس کروانے کا لالچ دیا۔

متاثرہ طالب علم کا کہنا تھا کہ انتظامیہ کو شکایت کی لیکن مدرسے کی انتظامیہ نے شواہد نہ ہونے پر مفتی عزیز الرحمن کے خلاف کارروائی نہ کی مدرسے کی انتظامیہ کو مفتی عزیز کی ویڈیوز اور آڈیوز دیں ویڈیوز دیکھنے کے بعد مدرسے کی انتظامیہ نے مفتی عزیز الرحمن کو عہدے سے ہٹایا۔

طلب علم نے بیان میں مزید کہا گیا کہ واقعہ کی ویڈیوز سامنے آنے کے بعد مفتی عزیز کے بیٹوں نے جان سے مارنے کی کوشش کی، شریک ملزمان سے سامنا ہوا تو بھاگ کر جان بچائی اور ملزمان کے خلاف پولیس میں ایف آئی آر درج کروائی۔

Comments

یہ بھی پڑھیں