The news is by your side.

Advertisement

طالبعلم بدفعلی کیس: ملزم مفتی عزیز الرحمان کیخلاف چالان تیار

لاہور :طالبعلم سے بدفعلی کیس میں ملزم مفتی عزیز الرحمان کو مرکزی ملزم نامزد کردیا گیا جبکہ عزیز الرحمان کے پانچ بیٹوں کو بھی بطور ملزم نامزد کیا گیا ہے۔

تفصیلات کےمطابق لاہور میں مدرسے کے طالبعلم سے بدفعلی کے واقعے میں ملزم عزیزالرحمان کیخلاف چالان تیار کرلیا گیا ہے۔

ذرائع پراسکیوشن کا کہنا ہے کہ چالان میں ملزم عزیز الرحمان کو مرکزی ملزم نامزد کیا گیا ہے جبکہ چالان میں ملزم عزیز الرحمان کے پانچ بیٹوں کو بھی بطور ملزم نامزد کیا گیا ہے۔

ذرائع کے مطابق ملزم کے بیٹوں پر مدعی کوجان سے مارنے کی دھمکیاں دینےکا الزام ہے جبکہ مدعی صابر شاہ کے پولیس کو بیان کو بھی چالان کا حصہ بنایا گیا ہے۔

ذرائع کا کہنا ہے کہ آئندہ سماعت سے قبل چالان پراسکیوشن برانچ جمع کرایا جائے گا، پراسیکیوشن برانچ چالان کا جائزہ لینے کے بعد منظوری دے گی۔

یاد رہے یاد رہے مفتی عزیز الرحمن کی نازیبا ویڈیو لیک ہونے پر پولیس نے بدفعلی کا شکار ہونے والے نوجوان صابر شاہ کی درخواست پر مقدمہ درج کیا تھا، طالبعلم صابر شاہ کی مدعیت میں درج کئے گئے مقدمات میں 337 اور 506 کی دفعات شامل کی گئیں۔

مقدمے میں یہ الزام لگایا گیا تھا کہ مفتی عزیز الرحمن نے اسے امتحانات میں فیل کرکے بلیک میل کیا ، امتحانات میں پاس کروانے کا لالچ دیکر مبینہ طور پر کئی ماہ تک بد فعلی کی، شکایات کرنے پر اس کی کوئی شنوائی نہ ہوئی۔

ویڈیو وائرل ہونے پر پولیس نے مفتی عزیزالرحمن ، انکے تین بیٹے اور تین نامعلوم افراد کے خلاف مقدمہ درج کیا ، جس کے بعد پولیس نے مفتی عزیز الرحمن اور ان کے ایک بیٹے کو گرفتار کرلیا تھا۔

Comments

یہ بھی پڑھیں