The news is by your side.

Advertisement

مہاتیر محمد کا وزیراعظم عمران خان کو پروٹون گاڑی کا تحفہ

اسلام آباد: ملائیشیا کے وزراعظم مہاتیر محمد نے وزیراعظم عمران خان کو پروٹون گاڑی کا تحفہ بھیجا ہے۔

اے آر وائی نیوز کے مطابق ملائیشین وزیراعظم نے عمران خان کیلئے پروٹون 70 گاڑی کا تحفہ بھیجا جسے مشیر تجارت عبدالرزاق داؤد وزیراعظم کی جانب سے وصول کریں گے۔

نمائندہ اے آر وائی نیوز عبدالقادر کے مطابق ملائشیا کے قونصل خانے میں 16 دسمبر بروز پیر گاڑی دینے کی تقریب کا انعقاد کیا جائے گا۔ یاد رہے کہ مہاتیرمحمد نےدورۂ پاکستان میں وزیراعظم عمران خان کو پروٹون گاڑی تحفے میں دینے  اور  پاکستان میں پروڈکشن پلانٹ لگانے کا اعلان کیا تھا۔

مزید پڑھیں: وزیر اعظم ملیشیا مہاتیر محمد کا پاکستان میں پروٹون گاڑیوں کاپلانٹ لگانے کا اعلان

یاد رہے رواں سال مارچ میں  ملائیشین وزیراعظم مہاتیر محمد تین روزہ دورے پر پاکستان پہنچے تھے ، جہاں اُن کا نور خان ایئربیس پر وزیراعظم عمران خان نے شانداراستقبال کیا  اور  مہمان کے اعزاز میں اکیس توپوں کی سلامی دی گئی۔

ملائیشین وزیراعظم نے ایک روز بعد پروٹون گاڑیوں کا پلانٹ پاکستان میں لگانے کا اعلان کرتے ہوئے کہا تھا کہ اس کا مقصد دونوں ممالک کی تجارتی شراکت داری کو قائم کرنا ہے۔

Comments

comments

یہ بھی پڑھیں