کراچی: پاکستانی فلم اور ڈرامہ انڈسٹری کی معروف اداکارہ ماہرہ خان ہمایوں سعید کی کارکردگی کی معترف ہوگئیں۔
تفصیلات کے مطابق اے آر وائی ڈیجیٹل کے ڈرامہ سیریل ’میرے پاس تم ہو‘ کی آخری قسط کو پاکستان سمیت دبئی اور بھارت میں پسند کیا گیا، ڈرامے میں ہمایوں سعید، عائزہ خان، عدنان صدیقی اور حرا مانی نے مرکزی کردار ادا کیا۔
جہاں ہمایوں سعید کی اداکاری کی تعریف فہد مصطفیٰ سمیت دیگر اداکار کررہے ہیں وہیں ماہرہ خان بھی ہمایوں سعید کے گن گانے لگی ہیں۔
گزشتہ روز ماہرہ خان نے سماجی رابطے کی ویب سائٹ ٹویٹر پر لکھا کہ ’ہمایوں آپ کا دل آپ کے چہرے اور کام میں نظر آتا ہے، ہیرو۔‘
Humayun, aap ka dil aap ke chehray aur kaam mein nazar aata hai ♥️ hero 🙂 @iamhumayunsaeed #MerayPassTumHo
— Mahira Khan (@TheMahiraKhan) January 26, 2020
ہمایوں سعید نے ماہرہ کے ٹویٹ کا جواب دیتے ہوئے کہا کہ بہت بہت شکریہ سپر اسٹار، میں کچھ نہیں بس میرے والدین اور پیار کرنے والوں کی دعا ہے، عزت اور شہرت سب اللہ کے ہاتھ میں ہے، خوش رہو ہمیشہ۔ اللہ آپ کا بھلا کرے۔
جس پر ماہرہ خان نے ہنستے ہوئے کہا کہ ’سپر اسٹار نہیں گڈی زیادہ اچھا ہے۔‘
Thank you so much Superstar…main kuch nahin bus mere Parents aur pyar karne walon ki Dua hai …izzat aur shohrat sab Allah ke hath main…Khush raho hamesha…God bless u
— Humayun Saeed (@iamhumayunsaeed) January 27, 2020
واضح رہے کہ تین روز قبل ڈرامہ سیریل ’میرے پاس تم ہو‘ کی آخری قسط دانش کی موت نے مداحوں کو رلا دیا تھا، سنیما میں بیٹھے لوگ بھی اپنے جذبات پر قابو نہیں رکھ سکے تھے۔
ڈرامے کے لکھاری خلیل الرحمان قمر نے آج میرے پاس تم ہو کے سیکوئل بنانے کا اعلان بھی کیا ہے۔
