کراچی: بین الاقوامی شہرت یافتہ پاکستانی اداکارہ ماہرہ خان نے مداحوں کو مشورہ دیا ہے کہ وہ نسلی امتیاز پر بنائی جانے والی فلم ضرور دیکھیں۔
سماجی رابطے کی ویب سائٹ انسٹاگرام پر ماہرہ خان نے سیاہ فام شہری کی ہلاکت کے بعد مداحوں کو نسلی امتیاز پر مبنی فلم دیکھنے کا مشورہ دیا۔
انہوں نے لکھا کہ ’اگر آپ امریکا کی موجودہ صورت حال دیکھنا چاہتے ہیں تو ’ایوا ڈور‘ کی 2016 میں ریلیز کی جانے والی دستاویزی فلم ’13‘ ضرور دیکھیں‘۔
ماہرہ خان نے مداحوں کے لیے پوسٹر شیئر بھی کیا اور لکھا کہ ’میں چاہتی ہوں کہ کوئی شخص یہ فلم ضرور دیکھے۔ انہوں نے دستاویزی فلم بنانے ہر ہدایت کار ایواڈور کا شکریہ ادا کیا اور مداحوں کو بتایا کہ یہ فلم ویڈیو اسٹریمنگ ویب سائٹ نیٹ فلکس پر موجود ہے۔ اداکارہ نے مداحوں کو یہ بھی بتایا کہ یوٹیوب پر بھی یہ فلم موجود ہے۔
The documentary you need to watch right right now – 13th on @netflix Directed by @ava , thank you for this🙏🏼
Also I believe it’s available on YouTube for free!! pic.twitter.com/ZbldeQB9Ro
— Mahira Khan (@TheMahiraKhan) June 8, 2020
واضح رہے کہ امریکی پولیس کے ہاتھوں سیاہ فام شہری کی ہلاکت ہوئی جس کے بعد امریکا سمیت دنیا بھر میں سیاہ فام شہریوں کے حقوق کے لیے مظاہرے شروع ہوئے۔
