ماہرہ خان نے بالی وڈ میں عالیہ اوردپیکا کو پیچھے چھوڑدیا‘ ماہرہ پہلی پاکستانی اداکارہ ہیں جن کی فلم بالی وڈ کے سو کروڑ کلب میں داخل ہوئی ہے۔
بھارتی میڈیا رپورٹس کے مطابق شاہ رخ خان اور ماہرہ خان کی فلم رئیس صرف بھارت میں ہی 2017 کی پہلی سہہ ماہی میں 21 ملین ڈالر کا بزنس کرچکی ہے اور بزنس نے ماہرہ خان کو پہلے نمبر پر پہنچادیا ہے۔
دوسرے نمبر پر یمی گوتم کی قابل اور ہما قریشی کی جولی ایل ایل بی فائز ہیں۔ ماہرہ خان نے بھارت کی صفِ اول میں شمار ہونے والی اداکاراؤں کو بھی پیچھے چھوڑدیا ہے۔ عالیہ بھٹ اپنی فلم بدری ناتھ کی دلہنیا چوتھے نمبر پر جبکہ ہالی وڈ ڈیبیو کرنے والی دیپیکا کی فلم ٹرپل ایکس پانچویں نمبر پر ہے۔
یاد رہے کہ بالی وڈ نے گزشتہ سال پاکستانی اداکاروں پر پابندی عائد کردی تھی جس کے بعد اندیشہ ہے کہ ماہرہ خان صرف ایک فلم کے ساتھ زیادہ عرصے پہلے نمبر نہ رہ سکیں لیکن کسی پاکستانی اداکارہ کے لئے اپنی پہلی فلم کے ساتھ ہی ریکارڈ بنالینا قابلِ ذکر ہے۔
پاکستانی اداکارہ ماہرہ خان کی ساحل پر تصاویر نے تہلکہ مچادیا
خوبصورت پاکستانی اداکارہ ماہرہ خان سوشل میڈیا پر بہت متحرک ہیں، ہر وقت سوشل میڈیا پر پوسٹنگ میں مصروف رہتی ہے، گزشتہ دنوں وہ چھٹیوں گزارنے کیلئے ترکی میں موجود تھیں۔
ماہرہ خان نے وہاں سے سوشل میڈیا کی ویب سائٹ انسٹاگرام پر ترکی کے ساحل پر موجود اپنی تصویر شئیر کی، جس میں انھوں نے جالی دار میکسی پہن رکھی ہے، اس تصویر نے انٹرنیٹ پر تہلکہ مچا دیا۔
