اداکارہ ماہرہ خان کا اقوام متحدہ کے پناہ گزین کیمپ کا دورہ mahira khan
The news is by your side.

Advertisement

اداکارہ ماہرہ خان کا اقوام متحدہ کے پناہ گزین کیمپ کا دورہ

پشاور: معروف اداکارہ ماہرہ خان نے پشاور میں اقوام متحدہ کے ہائی کمشنر برائے پناہ گزین (یو این سی ایچ آر) کے ہمراہ افغان مہاجرین کیمپ کا بطور خیرسگالی سفیر دورہ کیا۔

تفصیلات کے مطابق اداکارہ ماہرہ خان نے اقوام متحدہ کے پناہ گزین کیمپ کا دورہ کیا، ماہرہ خان نے تقریب سے خطاب کرتے ہوئے کہا کہ ہمیں بے گھر بچوں کے مستقبل کے لیے مل کر کام کرنا ہوگا، بچے مستقبل کے معمار ہیں۔

ماہرہ خان نے کہا کہ بچوں سے مل کر بہت خوشی محسوس کررہی ہوں، خوش ہوں کہ اتنے اچھے مقصد کے لیے میرا انتخاب کیا گیا اور یو این سی ایچ آر کی جانب سے جو ذمہ داری دی گئی ہے اسے اچھی طرح نبھاؤں گی۔

اداکارہ ماہرہ خان کا کہنا تھا کہ بے گھر بچوں کی بحالی کے لیے کام کی ضرورت ہے، بے گھر افراد میں سب سے زیادہ بچے شامل ہیں اور ہمیں ان کے مستقبل کے لیے مل کر کام کرنا ہوگا۔

ماہرہ خان نے پشاور میں شوکت خانم اسپتال کا دورہ بھی کیا اس موقع پر انہوں نے کہا کہ شوکت خانم سے منسلک ہونے پر فخر ہے یہاں جاکر مسائل کا صحیح اندازہ ہوتا ہے، یو این سی ایچ آر اور شوکت خانم اسپتال کے ساتھ منسلک ہونے کا مقصد ہی لوگوں میں آگاہی پیدا کرنا ہے۔

دوسری جانب اقوام متحدہ کے ہائی کمشنر برائے مہاجرین فلیپو گرینڈی نے کہا کہ دو سال بعد یہاں آیا ہوں بہت خوشی ہوئی پاکستان کے بھی شکر گزار ہیں جنہوں نے طویل مدت تک افغان مہاجرین کی مہمان نواز کی، افغان مہاجرین کو تعلیم اور دیگر شعبوں میں مزید سہولیات فراہم کرنے کی ضرورت ہے۔

Comments

comments

یہ بھی پڑھیں