پاکستان شوبز انڈسٹری کی معروف اداکارہ ماہرہ خان نے انکشاف کیا ہے کہ وہ برقعہ پہن کر بازار جاتی ہیں تو بھی لوگ اُنہیں پہچان لیتے ہیں۔
حال ہی میں اداکارہ ماہرہ خان نے عالمی اردو کانفرنس 2024 میں شرکت کی، کراچی اور لاہور کے بازاروں میں شاپنگ کرنے کے دلچسپ تجربے کے بارے میں بات کی۔
اُنہوں نے بتایا کہ میں آج صبح ہی اپنی منیجر سے کہہ رہی تھی کہ تم لوگ مجھے مارکیٹ لے کر نہیں جاتے، میں نے سنا ہے تم لوگ مجھے وہاں برقع پہنا کر لے چلو۔
’’ماہرہ خان کے گھر کا ڈرائیور ہی چوری میں ملوث نکلا‘‘
اداکارہ نے مزید بتایا کہ اب مسئلہ یہ ہے کہ ایک دو بار میں لاہور اور کراچی کے بازاروں میں برقع پہن کر گئی بھی ہوں لیکن لوگ میری آواز سے مجھے برقع پہنے ہوئے بھی پہچان لیتے ہیں۔
ماہرہ خان کا کہنا تھا کہ میں بازار جاتے ہوئے سر سے پیر تک مکمل ڈھکی ہوئی ہوتی ہوں لیکن جیسے ہی میں بولنا شروع کرتی ہوں لوگ مجھے پہچان لیتے ہیں اور پوچھتے ہیں کہ آپ ماہرہ خان ہیں نا؟ تو میں بے وقوفی کرتے ہوئے کہتی ہوں نہیں، تو میرا اس طرح بازار جانے کا پلان فیل ہوجاتا ہے۔
اداکارہ نے مزید کہا کہ مجھے کراچی میں زینب مارکیٹ جانا بہت پسند ہے، مجھے میرا بچپن یاد آجاتا ہے،میں بازار جاتے ہوئے سر سے پیر تک مکمل ڈھکی ہوتی ہوں،
اداکارہ نے مزید کہا کہ شکر ہے کراچی کا موسم کچھ بہتر ہوا ہے، ایسے ایونٹس کرنا بہت بڑی بات ہے، میں کراچی میں پیدا ہوئی، 21 دسمبر کو میری سالگرہ ہے، میرا گھر کراچی میں ہی ہے اور میرا تعلق اسی شہر سے ہے۔
View this post on Instagram
