The news is by your side.

وزیر اعظم قبائلی اضلاع کے عوام کے لیے خوشخبریاں لے کر آرہے ہیں: محمود خان

پشاور: وزیر اعلیٰ خیبر پختونخواہ محمود خان کا کہنا تھا کہ قبائلی اضلاع میں محرومیوں کا وقت ختم ہوچکا، اب تمام قبائلی اضلاع میں ہر طرف ترقی ہوگی۔ وزیر اعظم عمران خان قبائلی اضلاع کے عوام کے لیے بڑی خوشخبریاں لے کر آرہے ہیں۔

تفصیلات کے مطابق وزیر اعلیٰ خیبر پختونخواہ محمود خان نے میڈیا سے گفتگو کرتے ہوئے کہا کہ وزیر اعظم عمران خان قبائلی اضلاع کے عوام کے لیے بڑی خوشخبریاں لے کر آرہے ہیں۔ وزیر اعظم ضلع خیبر کے عوام کے لیے ترقیاتی منصوبوں کا اعلان کریں گے۔

محمود خان کا کہنا تھا کہ قبائلی اضلاع میں محرومیوں کا وقت ختم ہوچکا، اب تمام قبائلی اضلاع میں ہر طرف ترقی ہوگی۔ کئی دہائیوں تک قبائلی عوام کو ترقی کے عمل سے دور رکھا گیا۔

انہوں نے مزید کہا کہ حکومت قبائلی عوام کی 70 سالہ محرومیوں کو ختم کر کے دم لے گی، قبائلی عوام کی ترجیحات صوبائی حکومت کی ترجیحات میں شامل ہیں۔

خیال رہے کہ وزیر اعظم عمران خان آج خیبر ایجنسی کا دورہ کریں گے جہاں وہ جلسے سے خطاب کریں گے، جلسے میں ضلع خیبر کے عوام کے لیے ترقیاتی منصوبوں کا اعلان کیا جائے گا اور صحت کارڈ بھی تقسیم کیے جائیں گے۔

وزیر اعظم جلسے میں ضلع خیبر کے عوام کے لیے ترقیاتی منصوبوں اور لیویز، خاصہ دار فورس سے متعلق اہم اعلان کریں گے۔

Comments

یہ بھی پڑھیں