پاکستانی وزیرخارجہ کی امریکی صدرسے غیررسمی ملاقات، تعلقات کی ازسرنو بحالی پر اتفاق Trump
The news is by your side.

Advertisement

پاکستانی وزیرخارجہ کی امریکی صدرسے غیررسمی ملاقات، تعلقات کی ازسرنو بحالی پر اتفاق

نیویارک: پاکستانی وزیرخارجہ کی امریکی صدر  سے غیرسمی ملاقات ہوئی ہے، جس میں تعلقات کی ازسرنو بحالی پر اتفاق کیا گیا۔ 

تفصیلات کے مطابق شاہ محمود قریشی کی ڈونلڈ ٹرمپ سے گذشتہ رات جنرل اسمبلی اجلاس کے استقبالیے میں مختصر ملاقات ہوئی.

شاہ محمود قریشی کے مطابق ملاقات میں‌ صدر ٹرمپ سے پاک امریکا تعلقات پربات چیت کاموقع ملا.

وزیرخارجہ نے صدرٹرمپ کو یہ پیغام پہنچایا کہ پاکستان دیرینہ تعلقات کا ازسرنوآغاز چاہتا ہے، صدر ٹرمپ نے پاکستان اور امریکا کے تعلقات بحال کرنے پر اتفاق کیا۔

شاہ محمودقریشی کے مطابق ان  کی فرسٹ لیڈی میلانیا ٹرمپ اورامریکی وزیرخارجہ مائیک پومپیو سے بھی ملاقات ہوئی.


مزید پڑھیں: امریکا کے ساتھ باہمی احترام پر مبنی تعلقات چاہتے ہیں، شاہ محمود قریشی


شاہ محمود قریشی کے مطابق امریکی صدرٹرمپ کارویہ انتہائی مثبت تھا، امریکی صدرنےعمران خان کے لئے نیک خواہشات کا ظہار کیا.

یاد رہے کہ آج یو این جنرل اسمبلی کے اجلاس سے خطاب کرتے ہوئے امریکی صدر ڈونلڈ ٹرمپ نے کہا تھا کہ تمام ممالک ایران کو اس کے جارحانہ رویے پر تنہا کریں، ایران پڑوسی ممالک کی خود مختاری کا احترام نہیں کرتا ہے۔

Comments

comments

یہ بھی پڑھیں