کراچی: ملکی تاریخ کی پہلی مرتبہ اولمپک میں شرکت کرنے والی بیڈمنٹن کھلاڑی ماحور شہزاد نے منگنی کرلی۔
اولمپین 25 سالہ ماحور شہزاد کی رسم منگنی کی تقریب گزشتہ رات انجام پائی جس کی تصاویر ماحور شہزاد نے سماجی رابطے کی ویب سائٹ ٹویٹر پر شیئر کیں۔
تصاویر میں ماحور شہزاد کو عروسی لباس میں دیکھا جاسکتا ہے اور ان کے ہونے والے شوہر سرمئی رنگ کا تھری پیس سوٹ پہنے ہوئے ہیں۔
Alhumdulillah, Engaged 💍#F&M#Soulmate#13February2022 pic.twitter.com/sn2U9qGwHb
— Mahoor Shahzad (@OfficialMahoor) February 14, 2022
واضح رہے کہ ٹوکیو اولمپکس میں شرکت کرنے کا اعزاز پانے والی قومی ویمن بیڈمنٹن چیمپیئن ماحور شہزاد کا تعلق کھیلوں کے گھرانے سے ہے۔
ماحور کی چھوٹی بہن رابعہ شہزاد انٹرنیشنل ویمن پاور لفٹر ہیں اور متعدد بین الاقوامی ٹائٹل جیت چکی ہیں۔
ماحور شہزاد کے والد محمد شہزاد باسکٹ بال کے انٹرنیشنل کھلاڑی رہنے کے ساتھ روئنگ کے انٹرنیشنل ماسٹر چیمپئین بھی ہیں۔
