دبئی: فلپائنی ملازمہ کو باس کے قتل کے مقدمے سے بری کردیا گیا Maid cleared of death sentence
The news is by your side.

Advertisement

دبئی: فلپائنی ملازمہ کو باس کے قتل کے مقدمے سے بری کردیا گیا

دبئی: العین کے علاقے میں مقیم اپنے باس کو قتل کرنے کے الزام میں سزا بھگتنے والی فلپائی خاتون کو دبئی کی عدالت نے بری کردیا۔

عرب میڈیا کے مطابق قتل کے مقدمے سے بری ہونے کے بعد 31 سالہ خاتون فلپائن پہنچ گئیں۔ فلپائن کے ڈیپارٹمنٹ آف فارن افیئرز نے خاتون کے منیلا پہنچنے کی تصاویر جاری کیں جس میں اس کے گھر والے استقبال کرتے ہوئے دکھائی دے رہے ہیں۔

جنیفر وطن واپسی سے قبل امارات میں واقع فلپائنی سفارت خانے کے اہلکاروں کا شکریہ ادا نہیں کرسکی تھیں تاہم انہوں نے فلپائن پہنچنے کے بعد سفارت خانے کے عملے کا شکریہ ادا کرتے ہوئے کہا کہ میرے مقدمے کے دوران بریت تک سفارت خانے نے بھرپور مدد کی اس پر میں ان کی شکر گزار ہوں۔

واضح رہے کہ مئی 2015 میں العین کرمنل کورٹ نے فلپائنی خاتون کو اپنے باس کو قتل کرنے کے الزام میں سزائے موت سنائی گئی تھی، جنیفر پر اپنے باس کا موبائل فون چوری کرنے کا الزام بھی عائد کیا گیا تھا۔

فلپائنی خاتون نے فیصلے کے خلاف اعلیٰ عدالت سے رجوع کیا تھا جس میں موقف اپنایا گیا تھا کہ باس کو جان بوجھ کر قتل نہیں کیا بلکہ ایسا اس وقت ہوا جب باس اسے زیادتی کا نشانہ بنانے کے لیے اس پر حملہ آور ہوا تو اپنی عزت بچانے کے لیے مجبوراً ایسا کرنا پڑا۔

عدالت نے خاتون کے موقف کو درست تسلیم کرتے ہوئے اُسے رہا کرنے کا حکم سنایا جس کے چند دن بعد خاتون واپس اپنے آبائی وطن منیلا پہنچ گئی۔

Comments

comments

یہ بھی پڑھیں