site
stats
پاکستان

کوئٹہ:ایم پی اے مجید اچکزئی مزید 2 روزہ ریمانڈ پر پولیس کے حوالے

کوئٹہ : انسداد دہشتگردی کی عدالت نے رکن بلوچستان اسمبلی مجید اچکزئی کو ٹریفک سارجنٹ کو کچلنے اور اغواء کے دونوں مقدمات میں مزید ایک ایک روز کے ریمانڈ پر پولیس کے حوالے کردیا۔

تفصیلات کے مطابق کوئٹہ کی انسداد دہشتگردی عدالت میں ایم پی اے مجید اچکزئی کو سات روزہ ریمانڈ مکمل ہونے پر پیش کیا گیا، پولیس نے ٹریفک سارجنٹ کو کچلنے اور اغواء کے دونوں مقدموں میں عدالت سے ملزم کی ریمانڈ کی استدعا کی۔

عدالت نے قبول کرتے ہوئے ملزم کو دونوں مقدمات میں مزید ایک ایک روز کیلئے ریمانڈ پر پولیس کے حوالے کردیا۔

اس موقع پر پشتونخواملی عوامی پارٹی کے رکن بلوچستان اسمبلی سید لیاقت آغا اور رکن قومی اسمبلی عبدالقہار ودان سمیت کارکنوں بڑی تعداد میں احاطہ عدالت میں موجود تھے۔

سماعت کے بعد میڈیا سے بات چیت کرتے ہوئے ایم پی ایم عبدالمجید اچکزئی کے وکیل نصیب اللہ ترین کا کہنا تھا کہ پولیس کی جانب سے مزید ریمانڈکی استدعا بلاجواز ہے۔


مزید پڑھیں : قتل کا ایک اورمقدمہ: مجید اچکزئی دو روزہ ریمانڈ پرپولیس کے حوالے


یاد رہے گذشتہ روز ٹریفک سارجنٹ کو کچلنے والے ایم پی اے مجید اچکزئی کے خلاف تیسرا مقدمہ سامنے آیا تھا، انیس سو بانوے میں درج ہونے والے قتل کے مقدمے میں پولیس نے گرفتار ایم پی اے کا ریمانڈ حاصل کرلیا تھا۔

خیال رہے کہ عبد المجید اچکزئی کیخلاف ٹریفک اہلکار کو کچلنے سمیت متعدد کیسز درج ہیں۔

واضح رہےکہ عبدالمجید اچکزئی 2013 کے عام انتخابات میں ضلع قلعہ عبداللہ کی سیٹ پی بی-13 سے رکن صوبائی اسمبلی منتخب ہوئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top