میجر عزیز بھٹی شہید نشان حیدر کا آج 95 واں یومِ پیدائش
The news is by your side.

Advertisement

میجر عزیز بھٹی شہید نشان حیدر کا 95 واں یومِ پیدائش

انیس سو پینسٹھ کی جنگ میں جان وطن پر قربان کرنے والے میجر عزیز بھٹی شہید نشان حیدر کی آج پچانوے ویں سالگرہ ہے ۔

تفصیلات کے مطابق شہید راجہ عزیز بھٹی 6 اگست1923 کو ہانگ کانگ میں پیدا ہوئے، وہ اکیس جنوری 1948 میں پاک فوج میں شامل ہوئے تو انہیں پنجاب رجمنٹ میں کمیشن دیا گیا، انہوں نے بہترین کیڈٹ کے اعزاز کے علاوہ شمشیرِاعزازی و نارمن گولڈ میڈل حاصل کیا اور ترقی کرتے ہوئے انیس سو چھپن میں میجر بن گئے۔

سن 1965 میں بھارت نے پاکستان کی جانب پیش قدمی کی کوشش کی تو قوم کا یہ مجاہد سیسہ پلائی ہوئی دیوار ثابت ہوا، سترہ پنجاب رجمنٹ کے 28 افسروں سمیت عزیز بھٹی شہید نے دشمن کے دانت کھٹے کر دیے۔

میجرراجہ عزیز بھٹی بارہ ستمبر کو صبح کے ساڑھے نو بجے دشمن کی نقل وحرکت کا دوربین سے مشاہدہ کرنیوالے ہی تھے کہ فولاد کا ایک گولہ ان کے سینے کو چیرتا ہوا پار ہوگیا اور برکی کے محاذ پر جام شہادت نوش کیا۔

میجرراجہ عزیز بھٹی کی جرات و بہادری پر انہیں نشان حیدر سے نوازا گیا۔

واضح رہے کہ راجہ عزیز بھٹی شہید آُس عظیم خاندان کے چشم و چراغ تھے کہ جس سے دو اور مشعلیں روشن ہوئیں ایک نشان حیدر اور نشان جرات پانے والے واحد فوجی محترم میجر شریف جب کہ دوسرے جنرل راحیل شریف جو سابق آرمی چیف رہ چکے ہیں۔

خیال رہے میجر عزیز بھٹی میجر شریف شہید اور سابق چیف آرمی چیف راحیل شریف کے ماموں ہیں۔

Comments

comments

یہ بھی پڑھیں