واشنگٹن: امریکی ریاست الاسکا میں زلزلے کے شدید جھٹکے محسوس کیے گئے جس کی شدت 7.0 ریکارڈ کی گئی ہے۔
غیرملکی خبررساں ادارے کے مطابق امریکی ریاست الاسکا میں شدید زلزلہ آیا جس کے بعد ساحلی علاقوں پر سونامی وارننگ جاری کردی گئی۔
زلزلہ کوہ پیما مرکز کے مطابق زلزلے کے جھٹکوں کی شدت 7.0 ریکارڈ کی گئی۔ ماہرین نے شہریوں کو آفٹر شاکس کے حوالے سے بھی خبردار کردیا۔
اب تک موصول ہونے والی اطلاعات کے مطابق امریکی ریاست الاسکا میں واقع اینچوریج کا علاقہ متاثر ہوا جس کے باعث ٹی وی اسٹیشن کو نقصان پہنچا اور نشریات معطل ہوگئیں۔
امریکی میڈیا کے مطابق زلزلے کے باعث لوگ خوف زدہ ہوکر گھروں سے باہر نکل آئے، زلزلے کے باعث سڑکوں اور عمارتوں کو بھی نقصان پہنچا ہے۔
خبررساں ادارے کی رپورٹ کے مطابق زلزلہ صبح ساڑھے سات بجے کے قریب آیا، ابھی تک کسی ہلاکت کی اطلاع موصول نہیں ہوئی البتہ انتظامیہ نے ایمرجنسی نافذ کردی۔
ایک ٹویٹر صارف کی جانب سے مقامی نیوز چینل کے دفاتر کی تصویر شیئر کی گئی ہے جس میں دفاتر کا سامان بکھرا ہوا دکھائی دے رہا ہے۔
KTVA’s newsroom felt the blow of the earthquake this morning. #anchorage #alaska #earthquake #weather pic.twitter.com/d1SaxriGw9
— Cassie Schirm (@cassieschirmtv) November 30, 2018
اینچوریج کے اسکول کی انتظامیہ کا کہنا ہے کہ تمام بچے محفوظ مقامات پر ہیں تاہم بچوں کے والدین کو کہہ دیا گیا ہے کہ وہ اسکول سے بچوں کو آکر لے جائیں۔
امریکی میڈیا کے مطابق ریاست اینچویچ میں تین لاکھ افراد رہائش پذیر ہیں۔
7.2 earthquake here in Anchorage, Alaska. This is a video my dad took from the Minnesota exit ramp from international. 😰😰 pic.twitter.com/1yOGj3yz9q
— sarah m (@sarahh_mars) November 30, 2018
واضح رہے کہ 25 نومبر کو ایران کے مغربی صوبے کرمان شاہ میں 6.3 شدت کا زلزلہ آیا تھا جس کے نتیجے میں متعدد افراد زخمی ہوگئے تھے جبکہ زلزلے کے جھٹکے پڑوسی ملک عراق کے دارالحکومت بغداد میں بھی محسوس کیے گئے تھے۔