The news is by your side.

Advertisement

وطن کا دفاع اولین ترجیح ہے، میجر جنرل آصف غفور

ملاکنڈ : جنرل آفیسر کمانڈنگ ملاکنڈ ڈویژن میجر جنرل آصف غفور نے کہا ہے کہ وطن کا دفاع پاک فوج کی اولین ترجیح ہےعلاقے میں امن کے قیام کے لیے فوج کے ساتھ ساتھ عوام کی قربانیاں بھی قابل تحسین ہیں۔

تفصیلات کے مطابق نامزد ڈی جی آئی ایس پی آر میجر جنرل آصف غفور بطور جی او سی ملاکنڈ ڈویژن میں اپنے الوداعی دورے پر دیر اسکاؤٹس چھاونی بلامبٹ میں فوجی جوانوں اور علاقہ عمائدین سے خطاب کر رہے تھے انہوں نے کہا کہ عوام اور پاک فوج کی قربانیوں کی بدولت آج علاقے میں مثالی امن قائم ہے۔

میجر جنرل آصف غفور نے کہا ہے کہ ملاکنڈ ڈویژن میں پا ئیدار امن کے قیام کے لئے اپر اور لوئر دیر میں امن کا قیام ناگزیر ہے کیونکہ مذکورہ اضلاع پاک افغان بارڈر پر واقع ہیں پاک فوج نے عوامی تعاون سے ملاکنڈ ڈویژن میں مثالی امن قائم کیا ہے۔

انہوں نے کہا کہ ملاکنڈ ڈیویژن میں قیام امن کے لیے خصوصی طور پر دیر کے عوام کی قربانیاں ہمیشہ یاد رکھی جائیں گی، ضلع دیر کے عوام امن پسند اور محب وطن ہیں اور بہ طور جی او سی ملاکنڈ ڈیویژن، عوام کی محبت کو نہیں بھولیں گے

ترقی پا کر ڈی جی آئی ایس پی آر نامزد ہونے والے میجر جنرل آصف غفور نے اپنے ڈیویژن کے عمائدین سے خطاب کے دوران یقین دہانی کرائی کہ لوئر دیر میں عوام کے لیے ایف سی کالج موجود ہیں تاہم جلد کیڈٹ کالج اور کھیل کے میدان کا قیام بھی عمل میں لایا جائے گا۔

Print Friendly, PDF & Email

Comments

comments

یہ بھی پڑھیں