The news is by your side.

Advertisement

بڑی کارروائی، اربوں روپے مالیت کی منشیات برآمد، 11غیر ملکی گرفتار

کراچی: میری ٹائم سیکیورٹی اور کسٹمز نے بڑی کارروائی کرتے ہوئے منشیات سے بھری 2 کشتیاں پکڑ لیں اور 11 غیرملکیوں سمیت 16 ملزمان کو گرفتار کرلیا۔

تفصیلات کے مطابق میری ٹائم اور کسٹمز نے کھلے سمندر میں اہم اطلاعات پر بڑی کاررائی کی اور 14 ارب روپے مالیت کی منشیات برآمد سمیت 16 ملزمان کو بھی گرفتار کیا، اہلکارں نے 2 کشتیاں کو بھی قبضے میں لے لیا۔

متعلقہ حکام کا کہنا ہے کہ مذکورہ کارروائی 26اپریل کو میری ٹائم اور کسٹمز نے کھلےسمندر میں کی۔ منشیات میں 2410 کلو حشیش، 133 کلو براؤن کرسٹل اور 181کلو آئس شامل ہیں۔ منشیات کی قیمت ساڑھے 14 ارب سے زائد ہے۔

اے این ایف کی کراچی میں بڑی کارروائی، 7 ارب روپے کی منشیات برآمد

رواں ماہ کے آغاز میں اینٹی نارکوٹکس فورس (اے این ایف) نے کراچی میں بڑی کارروائی کرتے ہوئے 7 ارب روپے کی منشیات برآمد کی تھی۔ بعد ازاں مؤثر تحقیقات کا آغاز کیا گیا۔

یاد رہے کہ رواں سال 10 فروری کو اینٹی نارکوٹکس فورس نے بیرون ملک اسمگل کی جانے والی 98 کروڑ روپے مالیت کی منشیات قبضے میں لی تھی۔اے این ایف کے مطابق ہیروئن کنٹینر کے ذریعے ہالینڈ بھجوائی جا رہی تھی۔منشیات کنٹینر کے نچلے حصے میں منشیات انتہائی مہارت سے چھپائی گئی تھی۔

fb-share-icon0
Tweet 20

Comments

comments

یہ بھی پڑھیں