The news is by your side.

Advertisement

سی ٹی ڈی کی بڑی کارروائی، کالعدم تنظیم کے 3 دہشتگرد گرفتار

سی ٹی ڈی پولیس نے سکھر میں بڑے کارروائی کرتے ہوئے کالعدم قوم پرست جماعت کے 3 دہشتگرد گرفتار کیے ہیں۔

اے آر وائی نیوز کے مطابق سی ٹی ڈی پولیس نے بڑی کارروائی کرتے ہوئے 3 دہشتگردوں کو گرفتار کیا ہے جن سے بارودی مواد برآمد ہوا ہے۔

ایس پی سی ٹی ڈی نے بتایا کہ گرفتار ملزمان میں راشد سولنگی، مہتاب چنا اور عجب تنیو شامل ہیں اور ان سے بارودی مواد بھی برآمد کیا ہے۔

ایس پی کے مطابق گرفتار دہشتگردوں کا تعلق کالعدم قوم پرست جماعت جیے سندھ متحدہ محاذ (جسمم) سے ہے اور انہوں نے متعدد وارداتوں میں ملوث ہونے کا اعتراف کیا ہے۔

ایس پی سی ٹی ڈی کا کہنا تھا کہ گرفتاردہشت گردوں نےماضی میں ریلوےٹریک پربم نصب کیے اس کے علاوہ پورٹ قاسم پر چائنیز اور رینجرز کی ریکی کرکے انہیں نقصان پہنچانے کی بھی کوشش کی تھی۔

ترجمان سی ٹی ڈی کے مطابق دہشت گرد کی شناخت سجاد عزیز ملاح کے نام سے ہوئی تھی، دہشت گرد سے بارودی مواد بھی برآمد ہوا تھا۔

مزید پڑھیں: سکھر میں سی ٹی ڈی کی کارروائی میں دہشت گرد گرفتار

فروری میں ہی سی ٹی ڈی نے خانیوال میں کارروائی کے دوران کالعدم تنظیم داعش کے دو دہشت گرد گرفتار کیے تھے۔ دہشت گردوں کا ہدف اہم تنصیبات اورعبادت گاہیں تھیں۔

Comments

یہ بھی پڑھیں