The news is by your side.

Advertisement

خسارے پر قابو پانے کے لئے پاکستان ریلوے کا بڑا اقدام

کراچی: مالی خسارے کا شکار پاکستان ریلوے نے مسلسل بڑھتا ہوا خسارہ کم کرنے کے لئے بڑا فیصلہ کیا ہے۔

تفصیلات کے مطابق پاکستان ریلوے نے سرسید اور مہران ایکسپریس کو نجی شعبے کے حوالے کردیا گیا ہے، سرسید ایکسپریس نو اور مہران ایکسپریس پانچ جولائی سے نجی شعبےکی انتظامیہ چلائے گی۔

رپورٹ کے مطابق نجی انتظامیہ نے بکنگ کا آغاز کرتےہی دونوں مسافر ٹرینوں کے کرایوں میں پچاس فیصد اضافہ کردیا ہے۔

پاکستان ریلوے ذرائع کا کہنا ہے کہ نجی انتظامیہ صرف ٹکٹ فروخت کرنے اور دوران سفر اسے چیک کرے گی، انجن،ڈرائیور،گارڈ اور ٹرین کی دیکھ بھال کی ذمےداری ریلوے پرہی ہوگی۔ذرائع کا کہنا ہے کہ یہ اس سلسلے کی کڑی ہے، جس میں پاکستان ریلوے نے پندرہ ریل گاڑیوں کو نجی شعبہ میں دینے کا فیصلہ کیا تھا اور اس بابت باقاعدہ پیش کشیں بھی طلب کی گئیں تھیں۔

ریلوے ذرائع کے مطابق نجی شعبے میں دینے کیلیے مختص کی جانے والی ریل گاڑیوں میں جناح ایکسپریس، ، چمن پسنجر، بولان میل، ، کوہاٹ پسنجر، خوشحال خان خٹک ایکسپریس، میانوالی ایکسپریس، راوی ایکسپریس، بدر ایکسپریس، لاثانی ایکسپریس، فیض احمد فیض ایکسپریس، اٹک پسنجر، جنڈ پسنجر، موہنجو داڑو ایکسپریس بھی شامل ہیں۔

Comments

یہ بھی پڑھیں