میک اپ آرٹسٹ شعیب خان نے 60 کی دہائی کی لالی ووڈ کی مشہور اداکارہ رانی کو خراج عقیدت پیش کرنے کے لیے امراؤ جان ادا میں پیش کیا گیا ان کا روپ دھار لیا۔
شعیب خان جو میک اپ کرنے میں اپنی مہارت کے لیے مشہور ہیں، اکثر و بیشتر مختلف شخصیات کا روپ دھار کر انہیں خراج تحسین پیش کرتے ہیں۔
اب اپنی حالیہ میں پوسٹ میں انہوں نے لکھا کہ میں رانی جی کو خراج عقیدت کرنے کے لیے یہ ایک چھوٹی سی کوشش کر رہا ہوں۔
انہوں نے لکھا کہ 1946 میں پیدا ہونے والی رانی کا نام ناصرہ سرفراز تھا، وہ اپنی خوبصورت، بولتی ہوئی آنکھوں اور رقص میں مہارت کی وجہ سے بے حد مشہور تھیں۔
شعیب خان نے لکھا کہ رانی جی کا کیریئر 32 سال کے عرصے پر محیط ہے۔
انہوں نے لکھا کہ جب میں نے یہ روپ دھارنے کے لیے ان کی زندگی کا مطالعہ کیا تو مجھے علم ہوا کہ وہ صرف ایک اداکارہ نہیں تھی بلکہ اپنی ذات میں پورا ایک ادارہ تھیں۔
شعیب خان نے مزید لکھا کہ ان کی اداکاری، ان کا رقص، خوبصورتی اور لباس پہننے کا انداز شاندار تھا یہی وجہ ہے کہ میں ان کا بہت بڑا فین ہوں۔
