پاناما کیس، وزیراعظم نواز شریف کے وکیل بارہ دن کی رخصت پر چلے گئے
The news is by your side.

Advertisement

پاناما کیس، وزیراعظم کے وکیل بارہ دن کی رخصت پر چلے گئے

اسلام آباد : پاناما کیس میں وزیراعظم نواز شریف کے وکیل مخدوم علی خان نے سپریم کورٹ میں چھٹیوں کی درخواست جمع کرادی ہے جسے منظور کرلیا گیا ہے۔

تفصیلات کے مطابق پاناما کیس میں وزیراعظم نواز شریف کے وکیل مخدوم علی خان نے سپریم کورٹ میں 13 فروری سے 24 تک کے لیے چھٹیوں کی درخواست جمع کرادی ہے جسے منظور کرلیا گیا ہے۔

وزیراعظم کے وکیل نے درخواست میں موقف اپنایا کہ ذاتی مصروفیات کے باعث13 سے 24 فروری تک عدالت میں پیش نہیں ہو سکوں گا اور ویسے بھی میں پاناما کیس میں اپنے دلائل مکمل کر چکا ہوں اس لیے میری غیر موجودگی سے کیس بھی متاثر نہیں ہوگا۔

واضح رہے کہ پانامہ پیپرز میں وزیراعظم کے اہل خانہ کی آف شورز کمپنیوں کے انکشاف کے بعد سے اپوزیشن جماعتوں کے دباؤ اور احتجاجی تحریکوں کے بعد سپریم کورٹ میں پاناما کیس کی سماعت کا آغاز ہوا تھا جو تاحال جاری ہے۔

یاد رہے پاناما کیس کی سماعت جسٹس آصف سعید کھوسہ کی سربراہی میں 5 رکنی بینچ کر رہا ہے تاہم بینچ کے ایک رکن جسٹس عظمت سعید شیخ کی بیماری کے باعث گزشتہ ہفتے سے سماعت نہیں ہو سکی ہے۔

Comments

comments

یہ بھی پڑھیں