The news is by your side.

Advertisement

پی پی کے سینئر رہنما مخدوم امین فہیم ائیر ایمبولینس کے ذریعے کراچی پہنچ گئے

کراچی : پاکستان پیپلز پارٹی کے سینئر رہنما امین فہیم ائیر ایمبولینس کے ذریعے دبئی سے کراچی پہنچ گئے ہیں،وہ علاج کیلئے بیرون ملک مقیم تھے.

پیپلزپارٹی کے سینئر رہنما امین فہیم کینسر کے مرض میں مبتلا ہیں، چند ماہ قبل وہ علاج کیلئے لندن گئے اور پھردبئی منتقل ہوگئے تھے، امین فہیم کو ائیر ایمبولینس کے ذریعے دبئی سے کراچی لایا گیا، ایئرپورٹ ٹرمینل ون پر پیپلزپارٹی کے رہنماؤں اور ان کے اہلخانہ نے انکا اسقتبال کیا۔

امین فہیم کو ائیرپورٹ سے کلفٹن میں واقع نجی اسپتال منتقل کردیا گیا ہے ،جہاں وہ کچھ دن زیرِعلاج رہیں گے۔

میڈیا سے گفتگو میں پیپلزپارٹی کے رہنما علی حسن نے کہا ہے کہ مخدوم امین فہیم کو ان کی خواہش پر وطن لایا گیا ہے۔

یاد رہے کہ مخدوم امین فہیم پر احتساب عدالت میں کرپشن کے مقدمات زیرِ سماعت ہیں، ٹڈاپ اسکینڈل میں مخدوم امین فہیم کے ناقابل ضمانت وارنٹ جاری ہو چکے ہیں.

Print Friendly, PDF & Email

Comments

comments

یہ بھی پڑھیں