The news is by your side.

‘آئندہ وزیراعظم بلاول بھٹو ہوں گے’

اسلام آباد : پیپلز پارٹی کے ایم این اے مخدوم جمیل الزمان نے دعویٰ کیا ہے کہ آئندہ وزیراعظم بلاول بھٹو ہوں گے۔

تفصیلات کے مطابق پیپلز پارٹی کے ایم این اے مخدوم جمیل الزمان نے شاہپور چاکر میں میڈیا سے گفتگو کرتے ہوئے کہا کہ موٹروےکرپشن کیس میں مخدوم خاندان کی کردارکشی کی گئی ، مخدوم خاندان کی کردارکشی کےمعاملےکی انکوائری ہونی چاہیے۔

مخدوم جمیل الزمان نے بتایا کہ خودبھی انکوائری کررہاہوں جوبھی ملوث ہوسزاملنی چاہیے۔

پیپلز پارٹی کے ایم این اے کا کہنا تھا کہ نئے صوبوں سوچ رکھنے والے سندھ کوتقسیم کرنے کا نہ سوچیں ، سندھ کی تقسیم پرناکامی ہوگی،ایسا کرنے کی مخالفت کریں گے۔

عمران خان کے حوالے سے انھوں نے کہا کہ عمران خان کاقبل ازوقت الیکشن کامطالبہ درست نہیں ، عمران خان اسمبلی میں واپس آئیں اورقانون سازی میں کرداراداکریں۔

مخدوم جمیل الزمان کا کہنا تھا کہ اسمبلیوں کواپنی مدت پوری کرنی چاہیے، عمران خان کو مشورہ ہے اسمبلی میں واپس آکرحکومت کوٹف ٹائم دیں۔

انھوں نے مزید کہا کہ موجودہ حکومت کی مدت پوری ہونی چاہیے، آئندہ وزیراعظم بلاول بھٹوہوں گے۔

عمران خان کی حکومت ختم کرنے کا مخالف تھا لیکن اب میں چاہتاہوں موجودہ حکومت اپنی مدت پوری کرے۔

Comments

یہ بھی پڑھیں