ریاض : نوجوان کو شیر اور اسلحے کے ساتھ ویڈیو بنانا مہنگا پڑگیا، ویڈیو وائرل ہوئی تو سیکیورٹی اداروں نے سعودی شہری کو حراست میں لے لیا۔
عرب خبر رساں ادارے کی رپورٹ کے مطابق سعودی عرب کے دارالحکومت ریاض میں ایک نوجوان نے سوخی میں آکر خود کار اسلحے اور جنگل کے بادشاہ شیر کے ساتھ ویڈیو بناکر سوشل میڈیا پر شیئر تو سیکیورٹی فورسز نے سعودی نوجوان گرفتار کرکے جیل بھیج دیا۔
بيان من النيابة العامة بشأن شاب ظهر في فيديو يستعرض بالأسلحة على "مرسيدس” وبجواره أسدhttps://t.co/rwoDhvVFyb pic.twitter.com/vCjcITciPu
— أخبار 24 – السعودية (@Akhbaar24) February 10, 2020
سوشل میڈیا پر وائرل ہونے والی ویڈیو میں ایک نوجوان کو گھر کے اندر کھڑی جیپ پر بیٹھ کر مشین گن سے ہوائی فائرنگ کرتے دیکھا جاسکتا ہے جبکہ اس کے ساتھ ایک شیر بھی موجود ہے۔
ویڈیو میں نوجوان کو دیگر ہتھیاروں کی نمائش کرتے بھی دیکھا جاسکتا ہے۔
ریاض پولیس نے نوجوان کی شناخت کرنے کے بعد گرفتار کرکے تفتیش کا آغاز کردیا۔
