The news is by your side.

Advertisement

آبِ زم زم کنوئیں کی تعمیر کا کام مکمل، مطاف منگل سے کھول دیا جائے گا

مکہ مکرمہ: آب زم زم کنوئیں کی تعمیر کا کام مکمل کرلیا گیا، مکہ مکرمہ میں خانہ کعبہ کے گرد مطاف منگل سے کھول دیا جائے گا۔

عرب میڈیا کے مطابق مطاف یعنی خانہ کعبہ کے گرد طواف کے لیے استعمال ہونے والا حصہ 27 مارچ 2018 بروز منگل سے آب زم زم کنویں کی تعمیر کا کام مکمل ہونے کے بعد عبادت گزاروں کے لیے کھول دیا جائے گا۔

مکہ مکرمہ کی مالیاتی وزارت اور دو مقدس مساجد کے معاملات کی صدارت مطاف کو گرینڈ مسجد کے زائرین سمیت تمام عبادت گزاروں کے لیے کھولنے کی تیاریاں مکمل کررہی ہے۔

گزشتہ سال اکتوبر میں جب سے آب زم زم کے کنویں کی تعمیر کا کام جاری ہے مطاف میں عمرہ زائرین کے جانے پر پابندی عائد کردی گئی تھی جو اب تعمیراتی کام مکمل ہونے کے بعد 27 مارچ 2018 بروز منگل کو ختم کردی جائے گی۔

مزید پڑھیں: حج وعمرہ زائرین کیلئے بائیو میٹرک کی تصدیق لازمی قرار

واضح رہے کہ سعودی حکومت کی نئی پالیسی کے تحت عمرہ زائرین کے لیے فنگر پرنٹس کی شرط لازمی قرار قرار دی گئی ہے جس کے سبب عمرہ زائرین کو شدید مشکلات درپیش ہیں۔

خیال رہے کہ سعودی میڈیا رپورٹس کے مطابق 2016-2017 کے دوران 14 لاکھ 53 ہزار چار سو چالیس پاکستانی زائرین کو عمرے کے ویزے جاری کیے گئے تھے، جبکہ زیادہ تر زائرین واپس چلے گئے تھے تاہم 6905 زائرین پاکستانی زائرین تاحال سعودی عرب میں ہی غیر قانونی طور پر مقیم ہیں۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں