ریاض: سعودی عرب میں مکہ مکرمہ اور اس کے ملحقہ علاقوں سمیت مدینہ منورہ میں موسلادھار بارش سے موسم خوشگوار ہوگیا۔
سعودی خبر رساں ادارے کی رپورٹ کے مطابق مکر مکرمہ میں موسلا دھار بارش کے دوران عمرہ زائرین نے طواف کا سلسلہ جاری رکھا اور عبادات میں مصروف رہے۔
رپورٹس کے مطابق مسجد الحرام اور مدینہ منورہ میں رحمت کے بادل جم کر برسے، زائرین عبادات میں مشغول رہے۔
SubhanAllah. Rain in Masjid Al Haram in Makkah today! 😭🕋
— Muslim (@Muslim) March 19, 2026
زائرین نے بارش برسنے پراللہ کا شکر ادا کیا اور اسے رحمت قراردیا جبکہ مکہ کلاک ٹاور پر بجلی کڑکنے کے مناظرکیمرے کی آنکھ نے قید کرلیے۔
واضح رہے کہ سعودی عرب کی رویت ہلال کمیٹی کا کہنا ہے کہ سعودی عرب میں عید الفطر 20 مارچ بروز جمعہ کو ہوگی۔
اس سے قبل سعودی سپریم کورٹ نے شہریوں سے چاند دیکھنے کی اپیل کی تھی۔
ممکنہ حملے کے پیشِ نظر سعودی عرب میں وارننگ الارم، شہریوں کیلیے اہم ہدایات
عدالت نے درخواست کی تھی کہ جو کوئی بھی انسانی آنکھ یا دوربین کے ذریعے ہلال دیکھے، وہ اپنی شہادت درج کرانے کے لیے قریبی عدالت کو مطلع کرے۔ شہری عدالتی حکام تک رسائی کے لیے مقامی انتظامی مراکز سے بھی رابطہ کر سکتے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں