ممبئی: بالی ووڈ اداکارہ و ماڈل ملائکہ اروڑا نے اپنے سابق شوہر ارباز خان اور اُن کی فیملی کے ساتھ ڈنر کیا جس کی ویڈیو سوشل میڈیا پر وائرل ہورہی ہے۔
بھارتی میڈیا کے مطابق ارباز خان سے طلاق کے بعد پہلی دفعہ ملائکہ اروڑا اپنے سابقہ سُسرالیوں کے ساتھ منظر عام پر آئی ہیں، گزشتہ شب ارباز خان کی فیملی کی طرف سے ڈنر کا اہتمام کیا گیا تھا جس میں اداکارہ نے شرکت کی۔
View this post on Instagram
اس ڈنر کا اہتمام ملائکہ اور ارباز خان کے بیٹے ارہان کے نئے پوڈ کاسٹ کے ٹریلر کی خوشی میں کیا گیا جس میں ان کے خاندان کے افراد کے علاوہ دیگر مشہور شخصیات نے بھی شرکت کی۔
بھارتی میڈیا کے مطابق اس فیملی ڈنر میں ارباز خان کی پوری فیملی اور دوسری اہلیہ شوریٰ خان نے شرکت کی تھی جبکہ ملائکہ اروڑا بھی اپنی والدہ، بہن امریتا اروڑا اور بھانجے کے ہمراہ فیملی ڈنر میں شرکت کی۔
View this post on Instagram
سوشل میڈیا پر وائرل ویڈیو میں دیکھا جاسکتا ہے کہ سلمان خان اور ارباز خان کے والد سلیم خان میڈیا کے فوٹوگرافرز کے سامنے پوز دے رہے ہیں جبکہ ملائکہ اروڑا پیچھے اپنی والدہ کے ساتھ کھڑی ہوئی ہیں۔
View this post on Instagram
واضح رہے کہ ارباز خان کی پہلی شادی دسمبر 1998 میں ملائکہ اروڑا سے ہوئی تھی، 19 سال بعد مئی 2017 میں دونوں میں طلاق ہوگئی تھی، اس جوڑی کا بیٹا بھی ہے جس کا نام ارہان خان ہے۔
پہلی شادی میں ناکامی کے بعد ارباز خان نے دسمبر 2023 میں میک اپ آرٹسٹ شوریٰ خان سے دوسری شادی کی، ان کے نکاح کی تقریب اُن کی بہن ارپیتا خان شرما کے گھر منعقد کی گئی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں