لندن : نوبیل انعام یافتہ سماجی رہنما ملالہ یوسفزئی نے اسلام آباد میں دہشت گرد حملے کو خوفناک اور بزدلانہ جرم قرار دیتے ہوئے کہا کہ پاکستان میں امن کیلئے دعا گوہوں۔
تفصیلات کے مطابق نوبیل انعام یافتہ سماجی رہنما ملالہ یوسفزئی نے اسلام آباد کی مسجد میں ہونے والے دہشت گرد حملے میں شہید ہونے والے افراد کے لواحقین سے دلی ہمدردی کا اظہار کیا ہے۔
سماجی رابطے کی ویب سائٹ ایکس پر جاری پیغام میں ملالہ یوسفزئی نے لکھا کہ یہ انتہائی خطرناک بات ہے کہ لوگ عبادت گاہوں میں بھی محفوظ نہیں رہے۔
انہوں نے عبادت گزاروں اور شہریوں کو نشانہ بنانے کے واقعے کو خوفناک اور بزدلانہ جرم قرار دیا۔
ملالہ یوسفزئی کا کہنا تھا کہ یہ حملہ انسانیت، ہمارے ایمان اور ہماری اقدار کے خلاف ہے اور اس سانحے نے پوری قوم کو متاثر کیا ہے، دعا کرتی ہوں کہ پاکستان میں امن قائم ہو۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں