وزیراعظم شاہدخاقان عباسی سےملالہ یوسف زئی کی ملاقات -
The news is by your side.

Advertisement

وزیراعظم شاہدخاقان عباسی سےملالہ یوسف زئی کی ملاقات

نیویارک : وزیراعظم پاکستان شاہد خاقان عباسی کا کہنا ہے کہ ملک میں تعلیم کا فروغ حکومت کی اولین ترجیحات میں شامل ہے۔

تفصیلات کے مطابق نوبل انعام یافتہ ملالہ یوسف زئی نے وزیراعظم شاہد خاقان سے نیویارک میں ملاقات کی جس میں وزیراعظم نے ملالہ یوسف زئی کی تعلیم کے لیےکوششوں کو سراہا۔

وزیراعطم پاکستان نے کہا کہ حکومت تعلیم کےفروغ اوربہترمعیارکے لیے کوشاں ہے اور یہی وجہ ہے کہ گزشتہ 4 سال سےتعلیمی شعبےمیں بہتری نظرآ رہی ہے۔

وزیراعظم شاہد خاقان عباسی نے کہا کہ تعلیم کافروغ حکومت کی اولین ترجیحات میں شامل ہے،انہوں نے کہا کہ تمام وزرائےاعلیٰ کوہدایت کی ہےتعلیم کےفروغ کی کوششیں تیزکریں۔

انہوں نے کہا کہ پنجاب میں ڈی ایف آئی ڈی کےتعاون سےاسکول میں داخلہ لینےوالےطلبا کی تعداد میں اضافہ ہوا ہے جبکہ شعبہ تعلیم میں بنیادی ڈھانچےکی ترقی اورصنفی تفریق کےخاتمےکےلیےمزید کوششوں کی ضرورت ہے۔

وزیراعظم پاکستان نےکہا کہ حکومت نےاعلیٰ تعلیم کی ترقی کےلیےتعلیمی بجٹ میں اضافہ کیا ہے۔


عالمی میڈیا پاکستان کی صحیح صورتحال نہیں دکھارہا، شاہد خاقان عباسی


دوسری جانب نوبل انعام یافتہ ملالہ یوسف زئی نے وزیراعظم شاہد خاقان سے ملاقات میں کہا کہ وزیراعظم کی تعلیم کےفروغ میں دلچسپی قابل قدرہے۔

ملالہ یوسف زئی نے کہا کہ جلد سےجلد پاکستان واپس آنا چاہتی ہوں اورملک میں خواتین کی تعلیم کےفروغ کےلیےکام کرنا چاہتی ہوں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں