ملائیشین طلبا کا شاہ رخ خان کو انوکھا خراج تحسین -
The news is by your side.

Advertisement

ملائیشین طلبا کا شاہ رخ خان کو انوکھا خراج تحسین

بالی ووڈ اداکار شاہ رخ خان کی شہرت پوری دنیا میں ہے اور صرف پاکستان یا ہندوستان میں ہی نہیں، ان کے مداح رنگ، نسل اور زبان کی قید سے آزاد پوری دنیا میں موجود ہیں۔

حال ہی میں ملائیشیا کی ایک یونیورسٹی میں طالب علموں نے شاہ رخ خان کی فلم ’دل والے‘ کا گانا ’جنم جنم‘ گا کر انہیں شاندار خراج تحسین پیش کیا۔

ملائیشیا کی مینیجمنٹ اینڈ سائنس یونیورسٹی کے طلبا و طالبات نے اپنے سالانہ کانوکیشن کے موقع پر یک زبان ہو کر شاہ رخ خان کا گانا گایا۔ ملائیشین طلبا کے لیے گانے کی زبان نہایت اجنبی تھی مگر جس طرح انہوں نے روانی سے گانا گایا اس سے اندازہ ہوتا ہے کہ اس کے لیے انہوں نے ہفتوں مشق کی ہوگی۔

ملائیشین طلبا کا یہ خراج تحسین دیکھ کر شاہ رخ خان بھی خوشی سے پھولے نہ سمائے اور انہوں نے سماجی رابطوں کی ویب سائٹ ٹوئٹر پر ان طلبا کے لیے نیک تمناؤں کا اظہار کر ڈالا۔

واضح رہے کہ شاہ رخ خان آج کل اپنی فلم رئیس کی تشہیر میں مصروف ہیں جس میں پاکستانی اداکارہ ماہرہ خان نے ان کے مقابل مرکزی کردار ادا کیا ہے۔

Comments

comments

یہ بھی پڑھیں