site
stats
پاکستان

ملالہ کوامن کاسفیرمقررکیاجاناپاکستان کےلیےباعث فخرہے‘ ملیحہ لودھی

نیویارک :: اقوام متحدہ میں پاکستان کی مستقل مندوب ملیحہ لودھی کا کہنا ہےکہ ملالہ کواقوام متحدہ کی جانب سےامن کاسفیرمقررکیاجانا پاکستان کےلیے باعث فخر ہے۔

تفصیلات کےمطابق اقوام متحدہ میں پاکستان کی سفیر ڈاکٹرملیحہ لودھی کاکہناہےکہ ملالہ یوسف زئی کو امن کاسفیرمقررکیاجانا پاکستان کےلیےاعزازکی بات ہے اور آج پاکستان کےلیےبہت عزت کادن ہے۔

ملیحہ لودھی کاکہناتھاکہ مسلمانوں سےمتعلق مغرب میں غلط تاثرموجودہے۔انہوں نےکہاکہ پاکستان نےمہاجرین کوہمیشہ کھلےدل سےپناہ دی۔

خیال رہےکہ نیویارک میں ملالہ یوسف زئی کواقوام متحدہ کےجنرل سیکریٹری نےمیسنجرآف پیس مقررکردیا۔وہ یہ عہدہ حاصل کرنے والی پہلی اور تاریخ کی کم عمر ترین شخصیت بن گئیں ہیں۔


ملالہ یوسف زئی اقوام متحدہ کی سفیر برائے امن مقرر


اقوام متحدہ کےجنرل سیکریٹری نےملالہ یوسف زئی کےلیےکہا کہ آپ نہ صرف ہیرو ہیں بلکہ آپ پُرعزم اور با کردار شخصیت ہیں۔

دوسری جانب ملالہ یوسف زئی نےتقریب سے خطاب میں پاکستانی شہری ہونے پر فخر کا اظہارکرتے ہوئےکہاکہ دہشت گردوں اور انتہا پسندوں نے مجھے روکنے کےلیے تمام اقدامات کیے،لیکن وہ کامیاب نہیں ہوئے۔

ملالہ یوسف زئی کا کہنا تھا کہ اب یہ ایک نئی زندگی ہے،یہ دوسری زندگی ہےاور یہ تعلیم کے مقاصد کےلیے ہیں۔


کینیڈاکاملالہ یوسفزئی کواعزازی شہریت دینےکااعلان


واضح رہے کہ رواں ماہ کے آغاز میں کینیڈا کے وزیراعظم نے بھی اعلان کیا تھا کہ نوبیل انعام یافتہ پاکستانی طالبہ ملالہ یوسف زئی ان کی پارلیمنٹ سے خطاب کریں گی اور انہیں 2014 میں اعلان کی گئی اعزازی شہریت سےنوازا جائےگا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top