The news is by your side.

Advertisement

بان کی مون کا2 پاکستانی فوجیوں کی شہادت پراظہارافسوس

نیویارک: اقوام متحدہ کے سیکریٹری جنرل بان کی مون نے ایل او سی پر بھارتی فائرنگ سے شہید ہونے والے دو پاکستانی فوجیوں کی شہادت پر اظہار افسوس کیا۔

تفصیلات کےمطابق اقوام متحدہ میں پاکستان کی مستقل مندوب ملیحہ لودھی نے سیکریٹری جنرل بان کی مون سےملاقات کی ہےجس میں بان کی مون نے 2 پاکستانی فوجیوں کی شہادت پر پاکستانی حکومت اور شہدا کے لواحقین سے اظہار تعزیت کی۔

اس موقع پر ملیحہ لودھی نے اقوام متحدہ کے سیکریٹری جنرل کو بھارتی جارحیت سے آگاہ کیا،ملیحہ لودھی نے کہا کہ بھارتی بیانات اور اقدامات خطے اور عالمی امن کے لیے خطرہ ہیں۔

انہوں نے کہا کہ بھارت کا سرجیکل اسٹرائیک کا دعویٰ سراسر جھوٹ ہے، بھارت پاکستان کے خلاف کئی بار جارحیت کرچکا ہے، ملیحہ لودھی نے کہا کہ بھارت مقبوضہ کشمیر میں مظالم سے توجہ ہٹانا چاہتا ہے۔

پاکستانی سفیر نے کہا کہ مسئلہ کشمیرکی بنیادی وجوہات پرغورکرنے کی ضرورت ہے،بھارت مسلسل کشمیریوں کے حق خود ارادیت سے انکار کررہا ہے۔

ملیحہ لودھی نے مزید کہا کہ سیکرٹری جنرل کشمیرمیں انسانی حقوق کےخلاف ورزیوں کےخاتمے میں کرداراداکریں۔

دوسری جانب اقوام متحدہ کےسیکرٹری جنرل بان کی مون نے اعتراف کیا کہ اقوام متحدہ کے مبصرگروپ کابھارتی ہٹ دھرمی کےباعث مکمل فعال نہیں یو این مشن صرف پاکستانی لائن آف کنٹرول پرفعال ہے۔

Comments

comments

یہ بھی پڑھیں