مالی : ہوٹل پردہشتگردوں کا حملہ، 27 افراد ہلاک -
The news is by your side.

Advertisement

مالی : ہوٹل پردہشتگردوں کا حملہ، 27 افراد ہلاک

باماکو: مالی کے دارالحکومت باماکو میں ریڈیسن بلو ہوٹل پر دہشتگرد حملے میں ستائیس افراد ہلاک ہوگئے، دوحملہ آوروں بھی جوابی کارروائی میں مارے گئے، حملوں کے ملک میں تین روزہ سوگ منایا جا رہا ہے۔


پیرس کے بعد مالی کے دارالحکومت باماکو میں ہوٹل دہشت گردی کا نشانہ بنا، سیکورٹی فورسز نے کئی گھنٹے کے آپریشن کے بعد یرغمال بنائے افراد کو بازیاب کرالیا، حملہ آور سفارتی نمبرپلیٹ والی گاڑی میں فائرنگ کرتے ہوئے ہوٹل میں داخل ہوئے۔

ہوٹل کے ایک ملازم کا کہنا تھا کہ ماسک لگائے حملہ آور ڈپلومیٹک نمبر پلیٹ والی گاڑی میں آئے اور فائرنگ کرتے ہوئے ہوٹل میں داخل ہوکر ایک ستر افراد کو یرغمال بنا لیا تھا.

امریکی اورفرانسیسی فورسز بھی دہشتگردوں سے مقابلے کے لئے مالی فورسز کی مدد کو پہنچیں.

فورسز کی جوابی کارروائی میں دو حملہ آوروں کے ہلاک ہونے کی تصدیق ہوگئی، حملے کے بعد کابینہ کا ہنگامی اجلاس ہوا اور مالی کے صدر نے ملک میں دس دن کے لئے ایمرجنسی نافذ کرنے کا اعلان کیا ہے۔

Comments

comments

یہ بھی پڑھیں