The news is by your side.

Advertisement

مالی : دہشتگردوں کا ہوٹل پر دھاوا، غیرملکیوں سمیت 170افراد کو یرغمال بنالیا

بماکو: افریقی ملک مالی کے دارالحکومت بماکو میں مسلح افراد نے ہوٹل پر حملہ کرکے ایک سو ستر افرد کو یرغمال بنا لیا، فائرنگ سے تین یرغمالی مارے گئے جبکہ بیس کو چھوڑ دیا گیا۔

پیرس میں ہشت گردی کے بعد مالی کا دارلحکومت بماکو دھماکوں اور فائرنگ سے گونج اٹھا، دس مسلح دہشتگردوں نے ریڈیسن ہوٹل پر حملہ کرکے ہوٹل میں موجود ایک سو ستر افراد کو یرغمال بنالیا، جس میں ایک سو چالیس مہمان اور تیس عملے کے افراد شامل ہیں۔

واقعے کے فوری بعد پولیس اور دیگر سیکیورٹی ادارے جائے وقوعہ پرپہنچ گئے اور ہوٹل کو گھیرے میں لے لیا جب کہ وقفے وقفے سے دونوں اطراف سے فائرنگ کا تبادلہ ہوتا رہا۔

یرغمال افراد میں چینی ،فرانسیسی اور ترک ائیرلائن میں کام کرنے والے افراد شامل ہیں۔

Print Friendly, PDF & Email

Comments

comments

یہ بھی پڑھیں