The news is by your side.

Advertisement

پی سی بی نے آئی سی سی سےاسپیشل فنڈز کی درخواست کردی

لاہور : پاکستان میں بین الاقوامی کرکٹ نہ ہونے کی وجہ سے پی سی بی کو بھاری مالی نقصانات کا سامنا کرنا پڑا ہے۔ چیئرمین پی سی بی نے آئی سی سی سے خصوصی فنڈزکی درخواست کردی۔

تفصیلات کے مطابق پاکستان کرکٹ بورڈ (پی سی بی ) کے چیئرمین شہریار خان نے اے آر وائی سے خصوصی گفتگو کرتے ہوئے کہا ہے کہ ایڈنبرا میں ہونے والی آئی سی سی سالانہ کانفرنس میں ہم نے پی سی بی کے مالی نقصانات کا پس منظر بتا یا ہے اور کہا ہے کہ ان نقصانات کا ازالہ کیا جائے۔

انہوں نے بتایا کہ آئی سی سی نے ہماری درخواست پرغور کرنے کا کہا ہے۔ مارچ 2009 میں سری لنکن ٹیم پر حملے کے بعد سے پاکستان کو اپنی ہوم کرکٹ نیوٹرل وینیوز پر کھیلنی پڑ رہی ہے جس کی وجہ سے اسے اب تک 100 ملین ڈالرز سے زیادہ کا نقصان ہو چکا ہے۔

انہوں نے کہا کہ ایشیئن کرکٹ کونسل کی صدارت اس سال اگست میں پاکستان کو ملے گی۔ شہریار خان نے بتایا کہ آئی سی سی کی سالانہ کانفرنس کے دوران غیر ملکی مندوبین سے بھی مفید ملاقاتیں ہوئیں ہیں، جن کے مثبت اثرات سامنے آئیں گے۔

 

Print Friendly, PDF & Email

Comments

comments

یہ بھی پڑھیں