سلامتی کونسل میں مستقل ارکان کی تعداد میں اضافہ کیخلاف ہیں، ملیحہ لودھی -
The news is by your side.

Advertisement

سلامتی کونسل میں مستقل ارکان کی تعداد میں اضافہ کیخلاف ہیں، ملیحہ لودھی

نیویارک : اقوام متحدہ میں پاکستان کی مستقل مندوب ملیحہ لودھی نے کہا ہے کہ سلامتی کونسل میں مستقل ارکان کی تعداد میں اضافہ اقوام متحدہ کےچارٹرکی خلاف ورزی ہوگی، جبکہ پاکستان سلامتی کونسل میں غیرمستقل ارکان کی تعداد بڑھانےکا حامی ہے،غیرمستقل ارکان کے اضافے سے سلامتی کونسل مزید مؤثرہوگی۔

ان خیالات کا اظہار انہوں نے اقوام متحدہ کی جنرل اسمبلی کے اجلاس سے سلامتی کونسل اصلاحات کے حوالے سے خطاب کرتے ہوئے کیا۔

ان کا کہنا تھا کہ سلامتی کونسل اصلاحات میں ڈیڈلاک کچھ ملکوں کی وجہ سے ہے ،اگرسلامتی کونسل میں غیر مستقل ارکان کی تعداد بڑھ جائے تو کونسل مزید شفاف ہو جائے گی۔

انہوں نے کہا کہ کونسل کے مستقل ارکان کی تعداد بڑھانا یواین چارٹر کی خلاف ورزی ہوگی اور مستقل ارکان کی تعداد میں اضافے سےعالمی ادارے کی مشکلات مزید بڑھیں گی۔

انہوں نے واضح کیا کہ پاکستان سلامتی کونسل میں مستقل ارکان کی تعداد میں اضافے کے مخالف ہے،مستقل ارکان کی تعداد میں اضافے سے پہلے ہی بہت سی مشکلات ہیں جنہیں حل کرنا ضروری ہے۔

Comments

comments

یہ بھی پڑھیں