The news is by your side.

Advertisement

اسموگ میں کمی کے لیے کسانوں کو نئی مشینری فراہم کی جارہی ہے: ملک امین اسلم

اسلام آباد: وزیر اعظم کے مشیر ماحولیات ملک امین اسلم کا کہنا ہے کہ کسانوں کو نئی مشینری سبسڈیز کے ساتھ فراہم کی جارہی ہے، لاہور کے اطراف اسموگ کے تدارک کے لیے اقدامات کر رہے ہیں۔

تفصیلات کے مطابق وزیر اعظم عمران خان کے مشیر برائے ماحولیات ملک امین اسلم کا کہنا ہے کہ موسمیاتی تبدیلیوں کی وجہ سے کسانوں کو وقت کی کمی کا سامنا ہے، کسانوں کو ہیپی سیڈر اور مشینری سبسڈیز کے ساتھ دی ہیں۔

ملک امین اسلم کا کہنا تھا کہ لاہور کے اطراف اسموگ کے تدارک کے لیے اقدامات کر رہے ہیں، خراب فصلوں کو جلانے کی وجہ سے اسموگ کی صورتحال کا سامنا رہتا ہے۔ 90 فیصد اسموگ کے مسائل بھارت کی طرف سے ہیں۔

انہوں نے کہا کہ ہماری کوشش ہے کہ 5 ہزار کے قریب مشینیں پاکستان آجائیں، اس مشینری کے ذریعے کسانوں کا بھی فائدہ ہے، نئی مشینری کو پاکستان کی طرف سے متعارف کروائیں گے۔

خیال رہے کہ فضائی آلودگی اور اسموگ پر قابو پانے کے لیے تجرباتی طور پر نئی مشینیں تیار کی گئی ہیں، کسان فصلوں کی باقیات کو جلانے کے بجائے نئی مشینوں سے تلف کر سکیں گے۔

علاوہ ازیں اسموگ سے متاثرہ علاقوں میں کسانوں کے لیے رائس شریڈر اور ہیپی سیڈر کی فراہمی کا فیصلہ بھی کیا گیا ہے۔

Comments

یہ بھی پڑھیں