The news is by your side.

Advertisement

عمران خان کے 10بلین ٹری سونامی منصوبے کی ایک بار پھر عالمی سطح پر پذیرائی

اسلام آباد: سابق معاون خصوصی ملک امین اسلم نے آئی ایم ایف کے بیان کا خیر مقدم کیا اور کہا 10بلین ٹری منصوبہ پاکستان کی بین الاقوامی شناخت بن چکا۔

تفصیلات کے مطابق 10بلین ٹری سونامی منصوبے کی ایک بار پھر عالمی سطح پر پذیرائی ہوئی ، سابق معاون خصوصی ملک امین اسلم نے آئی ایم ایف کے بیان کا خیر مقدم کرتے ہوئے کہا 10بلین ٹری منصوبہ پاکستان کی بین الاقوامی شناخت بن چکا۔

ملک امین اسلم کا کہنا تھا کہ آئی ایم ایف نے تسلیم کیا پاکستان کا بلین ٹری منصوبہ شاندار ہے، آئی ایم ایف نے مانا منصوبہ گرمی کی شدت کےمقابلےمیں مددگار ثابت ہو گا۔

سابق معاون خصوصی نے کہا کہ پاکستان کی خاطر عمران خان کے اس ویژن کا دفاع کریں گے، ایسے پراجیکٹس کو پاکستان کی سیاست سے بالا تر ہونا چاہیے۔

ان کا کہنا تھا کہ منصوبہ پاکستان کی سلامیت ،پائیدار ترقی کیلئے اہم ترین اقدام ہے، قومی شناخت کےحامل منصوبوں پر سیاست نہیں کرنی چاہیے، 10بلین ٹری منصوبےکی تعریف عالمی لیڈرز اور ممالک نے کی ، سعودی عرب ،برطانیہ جیسے ممالک ہمارےمنصوبے کے معترف ہیں۔

ملک امین اسلم نے کہا کہ دنیا کے کئی ممالک پاکستان کے تجربات سے سیکھنے کیلئے تیار ہیں، سعودی عرب کےگرین مڈل ایسٹ منصوبےمیں پاکستان کاتعاون زندہ مثال ہے۔

Comments

یہ بھی پڑھیں