The news is by your side.

Advertisement

اسمگلنگ کو روکنے کے لیے اقدامات کیے جا رہے ہیں، ملک رفیق رجوانہ

لاہور : گورنر پنجاب ملک رفیق رجوانہ نے کہا ہے کہ اسمگلنگ اور انڈرانوائسنگ نے ملکی معیشت کو ناقابل تلافی نقصان پہنچایا ہے، جس کو روکنے کے لیے اقدامات کیے جا رہے ہیں۔

ان خیالات کا اظہار انہوں نے لاہور میں ایف پی سی سی آئی کے ریجنل آفس میں منعقدہ تقریب میں صنعتکاروں اور تاجروں سے خطاب کرتے ہوئے کیا۔

گورنر پنجاب ملک رفیق رجوانہ کا کہنا تھا کہ ماضی میں بلوچستان کو نظر انداز کیا گیا جس کا نتیجہ سب کے سامنے ہے، پنجاب بڑا بھائی ہے، اسے دیگر تینوں صوبوں کو ساتھ لیکر چلنا ہوگا۔

اسمگلنگ کی روک تھام کے حوالے سے انہوں نے کہا کہ اسمگلنگ اور انڈر انوائسنگ نے ملکی معیشت کو ناقابل تلافی نقصان پہنچایاہے، جسے روکنے کے لیے اقدامات کیے جا رہے ہیں۔

گورنر پنجاب نے کہا کہ ہمیں ملکی اشیاء کے استعمال کو فروغ دینا ہوگا اور پاکستانی انڈسٹری کی بقاء کے لیے پرتعیش غیر ملکی اشیاء کا استعمال روکنا ہو گا۔

انہوں نے کہا کہ حکومتی پالیسیوں سے معیشت اپنے ٹریک پر چڑھ گئی ہے، انہوں نے اس امید کا اظہار کیا کہ آنے والے دو سالوں میں پاکستان کے حالات مزید بہتر ہوں گے۔

 

Comments

comments

یہ بھی پڑھیں