The news is by your side.

Advertisement

کراچی : ملک ریاض کا چھت گرنے والی مسجد کی دوبارہ تعمیر کااعلان

کراچی : چیئرمین بحریہ ٹاون ملک ریاض نے نارتھ ناظم آباد میں شیڈ گرنے والی مسجد کی دوبارہ تعمیر کا اعلان کردیا۔

تفصیلات کے مطابق کراچی کے علاقے ناظم آباد کی مسجد عثمان میں شیڈ گرنے سے شہید افراد کی موت پر ملک ریاض نے اظہار افسوس کیا، چئیرمین بحریہ ٹاون نے چھت گرنے والی مسجد کی دوبارہ تعمیر کااعلان کردیا، چھت کی تعمیر کے لئے ٹیمیں جامع مسجدعثمان کے لئے روانہ ہوگئیں۔

گذشتہ روز نارتھ ناظم آباد کے علاقے میں واقع مسجد کی چھت گرنے سے پانچ نمازی شہید جب کہ متعدد زخمی ہوگئے تھے۔

نارتھ ناظم آباد میں لنڈی کوتل چورنگی کے قریب واقع جامع مسجد عثمان میں نماز جمعہ ادا کی جا رہی تھی کہ مسجد کی چھت کا ایک حصہ زمین بوس ہو گیا جس کے نتیجے میں 5 نمازی شہید جب کہ متعدد زخمی ہو گئے۔ امدادی ٹیموں کے اہلکاروں کی جانب سے ملبے تلے دبے افراد کو نکال کر اسپتال منتقل کر دیا گیا۔ عباسی شہید اسپتال کے ذرائع کے مطابق پانچ زخمیوں کی حالت تشویشناک ہے جب کہ اسپتال میں ایمرجنسی نافذ کر دی گئی ہے۔

مزید پڑھیں : کراچی میں مسجد کی چھت گرگئی،6 شہید متعدد زخمی

پولیس کے مطابق مسجد میں ہزار سے بارہ سو نمازیوں کی گنجائش تھی لیکن نمازیوں کی تعداد گنجائش سےزیادہ تھی۔ ایس ایس پی سنٹرل کا کہنا ہے کہ واقعہ کی تحقیقات کا آغاز کر دیا جائے گا۔

Print Friendly, PDF & Email

Comments

comments

یہ بھی پڑھیں