بحریہ ٹاون کے ملک ریاض نےعبداللہ کو گود لینے کی خواہش کا اظہار کردیا -
The news is by your side.

Advertisement

بحریہ ٹاون کے ملک ریاض نےعبداللہ کو گود لینے کی خواہش کا اظہار کردیا

کراچی : چیئرمین بحریہ ٹاؤن ملک ریاض نے عبداللہ کو گود لینے کی خواہش کا اظہار کردیا۔

ایدھی سینٹر میں موجود عبداللہ کی خبریں میڈیا پر گردش کرنے کے بعد چیئرمین بحریہ ٹاون ملک ریاض نے عبداللہ کو گود لینے کی خواہش کا اظہار کیا۔

ایدھی سینٹر کے ذرائع کے مطابق پہلے بھی کئی لوگ عبداللہ کی کفالت کیلئے ایدھی سینٹر سے رابطہ کر چکے ہیں۔

یاد رہے کہ چند روز قبل ملنے والا عبداللہ نامی بچہ ایدھی سینٹر پہنچایا گیا، ایک رضوان نامی شخص ایدھی سینٹر کے اندر پہنچا اور اس نے ایدھی سینٹر میں یہ بتایا کہ اس کو یہ بچہ دو دریا سے ملا ہے جسے ایدھی فاؤنڈیشن نے مسنگ چائلڈ کے طور پر اپنے پاس رکھ لیا اور اس کے والدین کی تلاش شروع کردی۔

دوسری جانب رضوان وہی شخص ہے جس نے ایک ماہ قبل عبداللہ اورا س کی والدہ کو دہلی کالونی میں ناصر منزل میں دوسری منزل پر فلیٹ کرائے پر دلوایا ،کرائے نامہ میں بھی رضوان نے اپنا اوورسیز والا شناختی کارڈ لکھوایا جبکہ رضوان نے ایدھی سینٹر میں غلط بیانی سے کام لیا کہ بچہ اس کو دو دریا سے ملا ہے۔

پولیس کے مطابق رضوان اس کیس میں مرکزی ملزم ہے جس کی تلاش زور و شور سے جاری ہے ،گذشتہ روز ناصر منزل سے ملنے والی حلیمہ نامی خاتون کی لاش نے یکسر واقعے کا رخ موڑ دیا۔

پولیس کے مطابق جب تک رضوان نامی شخص گرفتار نہیں کرلیا جاتا تب تک واقعے کو فوری طور پر حل نہیں کیا جاسکتا۔

پوسٹ مارٹم رپورٹ میں بھی ملنے والی لاش کی خراب حالت کے باعث وجہ موت کا تعین نہیں ہوسکا اور لاش کو کیمیکل ایگزامن کیلئے لیبارٹری بجھوادیا گیا ہے جس کے بعد اس بات کا تعین ہوسکے گا کہ ملنے والی لاش کو کس طرح سے قتل کیا گیا ہے۔

Comments

comments

یہ بھی پڑھیں