پی ٹی آئی رہنما ملیکہ بخاری کو اڈیالہ جیل سے رہا کردیا گیا ہے۔
اے آر وائی نیوز کے مطابق پی ٹی آئی رہنما ملیکہ بخاری کے نظربندی احکامات ڈپٹی کمشنر نے منسوخ کردیے جس کے بعد وہ اڈیالہ جیل سے رہا ہوکر اسلام آباد روانہ ہوگئیں۔
راولپنڈی: ملیکہ بخاری کے نظربندی احکامات ڈپٹی کمشنر نے منسوخ کردیے#ARYNews pic.twitter.com/VQH5LeHswe
— ARY NEWS (@ARYNEWSOFFICIAL) May 25, 2023
واضح رہے کہ گزشتہ دنوں ملیکہ بخاری کو اڈیالہ جیل سے رہائی کے فوراً بعد پولیس کی جانب سے دوبارہ گرفتار کرلیا تھا۔
اسلام آباد ہائی کورٹ نے ملیکہ بخاری اور علی محمد خان کو رہا کرنے کے احکامات جاری کیے تھے۔
اسلام آباد پولیس نے ملیکہ بخاری کی دوبارہ گرفتاری کی تردید کی تھی۔ ترجمان کیپٹل پولیس کا کہنا تھا کہ ملیکہ بخاری کو دوبارہ گرفتار نہیں کیا ہے۔
یاد رہے کہ 9 مئی کے پرتشدد واقعات کے بعد متعدد پی ٹی آئی رہنماؤں کو گرفتار کیا گیا تھا جبکہ شیریں مزاری سمیت دیگر ارکان پی ٹی آئی چھوڑنے کا اعلان کرچکے ہیں۔
