The news is by your side.

Advertisement

لیستھ ملنگا کو سری لنکن بورڈ نے اہم عہدہ تفویض کردیا

کولمبو: سری لنکن کرکٹ بورڈ نے نئے بولرز کی حکمت عملی کو بہتر بنانے کے لئے بڑا فیصلہ کیا ہے۔

غیر ملکی میڈیا رپورٹ کے مطابق سری لنکن کرکٹ بورڈ نے آسٹریلیا کے خلاف وائٹ بال میچز پر مشتمل سیریز کے لیے سابق فاسٹ بولر لاستھ ملنگا کو بالنگ حکمت عملی کوچ نامزد کیا ہے۔

سری لنکا کرکٹ بورڈ کی جانب سے جاری بیان میں کہا گیا کہ سابق فاسٹ بولر ملنگا آسٹریلیا کے خلاف سیریز میں لنکن ٹیم کے ساتھ مل کر کام کریں گے تاکہ کھلاڑیوں کی کارکردگی کو بہتر بنایا جاسکے۔

بورڈ کے ترجمان کا کہنا تھا کہ کولمبو اور کینڈی میں کھیلے جانے والے تین ٹی ٹوئنٹی میچوں اور پانچ ایک روزہ بین الاقوامی میچوں کے لیے ملنگا کی مہارت اور تجربہ فاسٹ بولرز کے لئے نہایت اہمیت کا حامل ہوگا۔

آسٹریلوی ٹیم سری لنکا کے خلاف دو ٹیسٹ، پانچ ون ڈے اور تین ٹی ٹوئنٹی انٹرنیشنل میچز پر مشتمل سیریز کیلئے سری لنکا کا دورہ کرے گی ،دونوں ممالک کے درمیان کا سیریز کا آغاز سات جون کو ٹی ٹوئنٹی فارمیٹ سے ہوگا۔

واضح رہے کہ ملنگا نے سال دوہزار انیس میں اپنے ون ڈے کیریئر کا آخری میچ کھیلا تھا اور مارچ دوہزار میں آخری ٹی ٹوئنٹی کھیلنے کے بعد کرکٹ کے تمام فارمیٹ سے ریٹائرمنٹ کا اعلان کردیا تھا۔

اپنے کیریئر میں ملنگا نے ون ڈے انٹرنیشنل میچز میں 338، ٹی ٹوئنٹی میں 107 جبکہ ٹیسٹ میچز میں 101 وکٹیں حاصل کررکھی ہیں۔

Comments

یہ بھی پڑھیں